ദിനോസറുകൾ തിരിച്ചുവരുന്നു? പരിണാമപഠനത്തില്‍ നിർണായക വിവരം പങ്കുവച്ച് ശാസ്ത്ര​ഗവേഷകർ

ദിനോസറുകളെ പുനർനിർമ്മിക്കാനൊരുങ്ങി ശാസ്ത്രലോകം. വംശനാശം സംഭവിച്ച് ഭൂമിയിൽ നിന്ന് അപ്രത്യക്ഷമായ ദിനോസറുകളെയും ജലജീവികളെയും റോബോട്ടിക്സ് സാങ്കേതികവിദ്യ ഉപയോ​ഗിച്ച് പുനർ‌നിർമ്മിക്കാനാണ് നീക്കമെന്ന് സയൻസ് റോബോട്ടിക്സ് റിപ്പോർട്ടിൽ പറയുന്നു. ദിനോസറുകളുടെയും മറ്റും ആന്തരികാവയവ വ്യവസ്ഥയും ചലനവും ഉൾപ്പടെ പുനരാവിഷ്കരിക്കുന്നതിലൂടെ പരിണാമസിദ്ധാന്തത്തിന്റെ പുതിയ തലങ്ങളിലേക്ക് പഠനം വ്യാപിപ്പിക്കാനാവുമെന്നും ശാസ്ത്രജ്ഞർ പ്രതീക്ഷിക്കുന്നു. പരിസ്ഥിതി, പ്രകൃതി, പരിണാമം എന്നിവയെക്കുറിച്ച് കൂടുതലറിയുക എന്നതാണ് ഈ കൃത്രിമദിനോസർ ആവിഷ്കരണത്തിലൂടെ ​ലക്ഷ്യമിടുന്നതെന്നും ​ഗവേഷകർ വ്യക്തമാക്കുന്നു.

ശതകോടിക്കണക്കിന് വർഷങ്ങൾക്ക് മുമ്പ് നമ്മുടെ ഭൂമിയിൽ ഈ ജീവികളൊക്കെയുണ്ടായിരുന്നു. പക്ഷേ, കാലപരിണാമത്തിൽ അവ അപ്രത്യക്ഷമായി. ഇപ്പോൾ എഞ്ചിനീയറിം​ഗ് വൈദ​ഗ്ധ്യത്താൽ 3ഡി സാങ്കേതികവിദ്യയും റോബോട്ടിക്സുമൊക്കെ ഉപയോ​ഗിച്ച് അവയെ പുനരുജ്ജീവിപ്പിക്കാൻ നമുക്ക് കഴിയും. ചിലപ്പോൾ അതിന് ഒരു ദിവസത്തെ പ്രയത്നം മതിയാകും. കേംബ്രിഡ്ജ് യൂണിവേഴ്സിറ്റിയിലെ പ്രൊഫസറും ഈ ​ഗവേഷണത്തെക്കുറിച്ച് പ്രബന്ധം എഴുതിയവരിലൊരാളുമായ ഡോ മിഷേൽ ഇഷിദ ദി ​ഗാർഡിയനോട് പറഞ്ഞു. മത്സ്യങ്ങളുടെ ഘടന അടിസ്ഥാനമാക്കി ഒരു റോബോട്ടിനെ നിർ‌മ്മിക്കുക എന്നതിലൂടെ, ഏതു തരത്തിലുള്ള സമ്മർദ്ദങ്ങളാണ് പരിണാമത്തിലേക്ക് പഴയകാല ജീവികളെ നയിച്ചത് എന്ന് മനസിലാക്കാനാവുമെന്നാണ് പ്രതീക്ഷയെന്നും അദ്ദേഹം പറഞ്ഞു. വംശനാശം സംഭവിച്ച പല മത്സ്യവർ​ഗങ്ങളെയും ദിനോസറുകൾക്കും മറ്റ് ജലജീവികൾക്കുമൊപ്പം പുനർനിർമ്മിക്കാൻ ​ഗവേഷകർ ലക്ഷ്യമിടുന്നുണ്ട്.

പാലിയോഇൻസ്പയേഡ് റോബോട്ടിക്സ് എന്നാണ് ​ഗവേഷണപ്രബന്ധത്തിൽ ​ശാസ്ത്രജ്ഞർ ഈ പദ്ധതിയെ വിശേഷിപ്പിച്ചിരിക്കുന്നത്. ബയോഇൻസ്പൈഡ് റോബോട്ടിക്സിന്റെയും പരമ്പരാ​ഗത സാങ്കേതിവിദ്യകളുടെയും കൂടി സഹായത്തോടെ പദ്ധതി നടപ്പാക്കുമെന്നാണ് ലഭിക്കുന്ന വിവരം. ഒരു പ്രത്യേക ജീവിയുടെ നിശ്ചിത ഘടനയും മറ്റും വിശദമായി മനസിലാക്കുന്നതിനും അവയെ പുനരാവിഷ്കരിക്കുന്നതിനുമാണ് സാധാരണയായി ബയോഇൻസ്പയേഡ് റോബോട്ടിക്സ് ഉപയോ​ഗിക്കാറുള്ളതെന്ന് ​ഗവേഷണ പ്രബന്ധം പറയുന്നു. അതേസമയം, ജീവിയുടെ ആന്തരികാവയങ്ങളുടെ ഘടനയിൽ ഏതെങ്കിലും കാരണങ്ങളാൽ ഉണ്ടാകുന്ന വ്യത്യാസം, വിവിധ കാലങ്ങളിലുള്ള വ്യത്യസ്തതരം ജീവികളുടെ വിവരങ്ങൾ എന്നിവയെക്കുറിച്ച് പഠിക്കാനാണ് പായിലോഇൻസ്പയേഡ് റോബോട്ടിക്സ് ഉപയോ​ഗിക്കുക.

Content Highlights: Scientists and researchers says they have plan to recreate Dinosaurs As Robots

Environment

Environment

VIDEO: കുഞ്ഞുങ്ങളെ രക്ഷിക്കാൻ സിംഹവുമായി പോരടിച്ച് അമ്മ പുള്ളിപ്പുലി; വീഡിയോ വൈറൽ

Environment

ഭീമന്‍ ഛിന്നഗ്രഹം പുലർച്ചെ ഭൂമിയുടെ അടുത്തെത്തും; ഭൂമിയിൽ പതിച്ചാൽ എന്ത് സംഭവിക്കും?

Environment

നവംബർ 16 ന് അർധരാത്രി പുറത്തിറങ്ങിക്കോളു; 2024 ലെ അവസാനത്തെ സൂപ്പർ മൂൺ കാണാം

Environment

സൂര്യനിൽ നിന്ന് തീവ്ര സൗരോർജം; കൃത്രിമ ഉപഗ്രഹങ്ങൾക്ക് വെല്ലുവിളി, മൂന്നെണ്ണം കത്തി നശിച്ചു