Get the latest news at
your fingertips!
Download our app now
LIVE TV
Search
ബോളിവുഡിന്റെ പ്രിയപ്പെട്ട താരമാണ് സണ്ണിലിയോണ്‍. ലോകത്ത് തന്നെ ഏറ്റവും കൂടുതല്‍ ആരാധകരുള്ള താരം കൂടിയാണ് സണ്ണി ലിയോണ്‍. കരിയറിനൊപ്പം കുടുംബത്തിനും വളരെ പ്രാധാന്യം കൊടുക്കുന്ന താരമാണ് സണ്ണിലിയോണ്‍. കുടുംബത്തിൻ്റെയും കുട്ടികളുടെയും ചിത്രങ്ങളും വീഡിയോയുമൊക്കെ നിരന്തരം സോഷ്യല്‍ മീഡിയയില്‍ താരം പോസ്റ്റ് ചെയ്യാറുണ്ട്.
ഇപ്പോഴിതാ താരം റാം വാക്ക് വേദിയില്‍ കുടുംബത്തിനൊപ്പം എത്തിയ വീഡിയോ ആണ് സോഷ്യല്‍ മീഡിയയില്‍ വൈറലാകുന്നത്. താരം റാംപില്‍ നടക്കുമ്പോള്‍ കുട്ടികളും ഭര്‍ത്താവും കൈയ്യടിക്കുന്നതും പ്രോത്സാഹിപ്പിക്കുന്നതുമാണ് വീഡിയോ ദൃശ്യങ്ങളിൽ.
Sunny Leone walks the ramp and her kids could not be more proud! Watch their cute reactions to seeing their mom as a bride: pic.twitter.com/mOQvOzlrF6
— HT Entertainment (@htshowbiz) October 21, 2024
റാംപ് വാക്കിന് ശേഷം ബാക്ക് സ്‌റ്റേജില്‍ തന്റെ കുട്ടികളെ കെട്ടിപ്പിടിച്ച് ചുംബിക്കുന്നതാണ് മറ്റൊരു വീഡിയോയില്‍ കാണാന്‍ സാധിക്കുന്നത്. വേദിയില്‍ സണ്ണി ലിയോണിനൊപ്പം ഭര്‍ത്താവ് ഡാനിയേലും കുട്ടികളും വേദിയില്‍ പോസ് ചെയ്യുന്നതും കാണാന്‍ സാധിക്കും.
അമേരിക്കന്‍ നടനും നിര്‍മ്മാതാവും സംരംഭകനുമായ ഡാനിയേലിനെ 2011ലാണ് സണ്ണിലിയോണ്‍ വിവാഹം കഴിക്കുന്നത്. 2017 ജൂലൈയില്‍ ദമ്പതികള്‍ തങ്ങളുടെ ആദ്യത്തെ കുഞ്ഞിനെ മഹാരാഷ്ട്രയിലെ ലാത്തൂര്‍ ഗ്രാമത്തില്‍ നിന്ന് ദത്തെടുത്തു. നിഷ കൗര്‍ വെബര്‍ എന്ന് പേരിട്ട പെണ്‍കുഞ്ഞിനനെ ദത്തെടുക്കുമ്പോള്‍ 21 മാസമായിരുന്നു പ്രായം. 2018 മാര്‍ച്ച് 4 നാണ് സണ്ണിയും ഡാനിയലും വാടക ഗര്‍ഭധാരണത്തിലൂടെ ഇരട്ട ആണ്‍കുട്ടികള്‍ക്ക് ജന്മം നല്‍കുന്നത്. ആഷര്‍ സിംഗ് വെബര്‍ എന്നും നോഹ സിംഗ് വെബര്‍ എന്നാണ് കുട്ടികള്‍ക്ക് പേരിട്ടിരിക്കുന്നത്. 2018 സെപ്റ്റംബര്‍ 13 ന് ഗണേശ ചതുര്‍ത്ഥി ദിനത്തിലാണ് സണ്ണി തന്റെ ഭര്‍ത്താവിനും കുട്ടികള്‍ക്കുമൊപ്പം മഹാരാഷ്ട്രയിലെ മുംബൈയിലെ പുതിയ വീട്ടിലേക്ക് താമസം മാറിയത്.
സഞ്ജയ് ദത്തും സല്‍മാന്‍ ഖാനും ആതിഥേയത്വം വഹിച്ച ഹിന്ദി സെലിബ്രിറ്റി റിയാലിറ്റി സീരീസ് ബിഗ് ബോസ് സീസണ്‍ 5 ല്‍ പങ്കെടുത്താണ് സണ്ണി ഇന്ത്യന്‍ വിനോദ വ്യവസായത്തില്‍ അരങ്ങേറ്റം കുറിച്ചത്. ഷോയ്ക്കിടെയാണ് ചലച്ചിത്ര നിര്‍മ്മാതാവ് മഹേഷ് ഭട്ട് സണ്ണി ലിയോണിന് ജിസം 2 ലെ പ്രധാന വേഷം വാഗ്ദാനം ചെയ്യുന്നത്. രണ്‍ദീപ് ഹൂഡയും അരുണോദയ് സിംഗും അഭിനയിച്ച് പൂജാ ഭട്ട് സംവിധാനം ചെയ്ത ചിത്രത്തിലൂടെയാണ് സണ്ണി ബോളിവുഡില്‍ അരങ്ങേറ്റം കുറിച്ചത്. പിന്നീട് രാഗിണി എംഎംഎസ് 2, ഏക് പഹേലി ലീല, വണ്‍ നൈറ്റ് സ്റ്റാന്‍ഡ് തുടങ്ങിയ സിനിമകളില്‍ അഭിനയിച്ചു. അനുരാഗ് കശ്യപിന്റെ നിയോ നോയര്‍ ത്രില്ലര്‍ കെന്നഡിയിലാണ് സണ്ണി അടുത്തതായി അഭിനയിക്കുന്നത്, രാഹുല്‍ ഭട്ട്, മോഹിത് തകല്‍ക്കര്‍, അഭിലാഷ് തപ്ലിയാല്‍ എന്നിവര്‍ പ്രധാന വേഷങ്ങളില്‍ ഈ ചിത്രത്തില്‍ അഭിനയിക്കുന്നുണ്ട്.
Content Highlights: Sunny Leone walked the ramp while her kids cheered for her
