LIVE TV
ആവശ്യമുള്ള സാധനങ്ങള്‍
ചിക്കന്‍ - 1 കിലോ
കറുവാപ്പട്ട -1 കഷണം
ഏലയ്ക്ക - 3 എണ്ണം
ഇഞ്ചി, വെളുത്തുള്ളി പേസ്റ്റ് - 2 ടീസ്പൂണ്‍
പച്ചമുളക് നീളത്തില്‍ കീറിയത് - 4 എണ്ണം
സാവാള അരിഞ്ഞത് - 3എണ്ണം
പെരുംജീരകപൊടി -1 ടീസ്പൂണ്‍
ജീരകപൊടി - 1 ടീസ്പൂണ്‍
ഗരം മസാലപ്പൊടി - 2 ടീസ്പൂണ്‍
തേങ്ങയുടെ ഒന്നാംപാല്‍ -1 കപ്പ്
ഉപ്പ്, കറിവേപ്പില, കടുക് - പാകത്തിന്
വെളിച്ചെണ്ണ - പാകത്തിന്
തയ്യാറാക്കുന്ന വിധം
ഒരു ചീനച്ചട്ടിയില്‍ അല്‍പ്പം എണ്ണ ചൂടാക്കി അതിലേക്ക് ഒരു കഷണം പട്ടയും 3 ഏലയ്ക്കയും ചേര്‍ത്തിളക്കി സവാളയും പച്ചമുളകും ഇട്ട് ഒന്നു മൂത്തുതുടങ്ങിയാല്‍ ഇഞ്ചി വെളുത്തുള്ളി പേസ്റ്റ് ചേര്‍ത്ത് ഇളക്കുക. ഇതിലേക്ക് മസാല പൊടികള്‍ ഓരോന്നായി ചേര്‍ത്തിളക്കുക. ഈ കൂട്ടിലേക്കു ഇറച്ചിയിട്ട് നല്ലതുപോലെ വഴറ്റി അല്‍പ്പം ചൂടുവെള്ളവും ഉപ്പും ചേര്‍ത്തു ഇറച്ചി വേവിക്കുക. ഇതിലേക്ക് ഒന്നാംപാല്‍ ഒഴിച്ച് ഒന്നു തിളവന്നാല്‍ ഇറക്കിവയ്ക്കുക. അവസാനം ഒരു സ്പൂണ്‍ എണ്ണയില്‍ കടുകും കറിവേപ്പിലയും ഇട്ട് തിളപ്പിച്ച് കറിയിലേക്ക് ഒഴിക്കുക.
Content Highlights :White chicken curry
