Get the latest news at
your fingertips!
Download our app now
LIVE TV
Search
നുണപറയുന്ന ശീലം ചിലര്‍ക്ക് കുട്ടിക്കാലം മുതല്‍ രൂപപ്പെടുന്നതാണ്. വീട്ടില്‍ മാതാപിതാക്കളോ മറ്റുളളവരോ കള്ളം പറയുന്നുവെന്നിരിക്കട്ടെ ക്രമേണ കുട്ടികളും ഇത് ശീലിച്ചുതുടങ്ങും. പിന്നീട് ജീവിതത്തില്‍ അഭികാമ്യമല്ലാത്ത സാഹചര്യങ്ങളെ നേരിടാന്‍ ഒരു തന്ത്രമായി ഇത് മാറുകയാണ് ചെയ്യുന്നത്. നുണ പറയുമ്പോള്‍ അത് തെറ്റാണെന്നുള്ളതുകൊണ്ടുതന്നെ നെഗറ്റീവ് ചിന്തകളാണ് നമ്മുടെ ഉള്ളില്‍ രൂപപ്പെടുന്നത്.
നിങ്ങളുടെ കുട്ടി നുണപറയുന്നുണ്ടോ. അവര്‍ നുണപറയുന്നുണ്ടെന്ന് അറിഞ്ഞിട്ടും അത് മാറ്റിയെടുക്കാന്‍ ഒന്നും ചെയ്യാന്‍ സാധിക്കുന്നില്ലേ?. കുട്ടികള്‍ നുണ പറയുന്നതിന് ഒന്നാമത്തെ കാരണം ഭയമാണ്. മുതിര്‍ന്നവര്‍ തന്നെയാണ് കുട്ടികളില്‍ ഇത്തരത്തിലുളള ഭയം ഉണ്ടാക്കിയെടുക്കുന്നതും. കുട്ടികള്‍ കുസൃതി കാട്ടുമ്പോഴോ എന്തെങ്കിലുമൊരു തെറ്റ് ചെയ്യുമ്പോഴോ ചില മാതാപിതാക്കള്‍ യാതൊരു ദാക്ഷിണ്യവും ഇല്ലാതെ അവരെ വഴക്കുപറയും, നന്നായി അടിക്കും. ഇങ്ങനെ അടി കിട്ടുമോ എന്ന് പേടിച്ച് അതില്‍നിന്ന് രക്ഷപ്പെടാന്‍ കുട്ടികള്‍ നുണപറഞ്ഞ് തുടങ്ങും. ഈ ശീലമാണ് പിന്നീട് വലിയ വലിയ നുണകളിലേക്ക് നയിക്കുന്നത്. അതുപോലെ തങ്ങളുടെ ആഗ്രഹം സാധിക്കാന്‍ എന്തൊക്കെ കള്ളം പറഞ്ഞ് മാതാപിതാക്കളെ വശത്താക്കാമോ അതൊക്കെ അവര്‍ പറയുകയും ചെയ്യും. കളളം പറഞ്ഞ് തുടങ്ങുമ്പോള്‍ ആദ്യമൊക്കെ ചെറിയ കുറ്റബോധം കുട്ടികള്‍ക്ക് തോന്നുമെങ്കിലും പിന്നീട് ആ ശീലം മുന്നോട്ട് പോകുമ്പോള്‍ ഭയം ഇല്ലാതാകും.
