ചുണ്ടുകള്‍ക്ക് നിറം ലഭിക്കാന്‍ ബീറ്റ് റൂട്ട് കൊണ്ട് ലിപ്ബാം; എളുപ്പത്തില്‍ തയ്യാറാക്കാം

ചുണ്ടുകള്‍ക്ക് നിറം ലഭിക്കാന്‍ വിപണിയില്‍ ലഭ്യമായ ലിപ്സ്റ്റിക്കുകളും ലിപ്ബാമും ഒക്കെ ഉപയോഗിക്കുന്നവരാണ് നമ്മള്‍. എന്നാല്‍ വീട്ടില്‍ത്തന്നെ തയ്യാറാക്കാവുന്ന ചില പൊടിക്കൈകള്‍ കൊണ്ട് ചുണ്ടുകളുടെ സൗന്ദര്യം സംരക്ഷിക്കാന്‍ സാധിക്കും. ചുണ്ടിന് നിറം നല്‍കാന്‍ ഏറ്റവും പ്രകൃതിദത്തമായ മാര്‍ഗ്ഗമാണ് ബീറ്റ്റൂട്ട് . ബീറ്റ്റൂട്ട് കൊണ്ട് നമുക്ക് വീട്ടില്‍ത്തന്നെ ലിപ്ബാം ഉണ്ടാക്കാം. ഇത് ചുണ്ടുകള്‍ക്ക് നിറം നല്‍കുകയും പിഗ്മന്റേഷന്‍ ഇല്ലാതാക്കുകയും ചെയ്യും. അതുമാത്രമല്ല ചുണ്ടുകള്‍ക്ക് സ്വാഭാവിക നിറം നല്‍കാനും മൃതകോശങ്ങള്‍ നീക്കം ചെയ്യാനും ബീറ്റ്‌റൂട്ട് സഹായിക്കും.

എങ്ങനെ ബീറ്റ്‌റൂട്ട് ലിപ്ബാം തയ്യാറാക്കാം

ബീറ്റ്‌റൂട്ട് - ഒരു മീഡിയം സൈസ് (തൊലികളഞ്ഞ് ചെറിയ കഷണങ്ങളായി മുറിച്ചത്)
വെളിച്ചെണ്ണ-ഒരു ടീസ്പൂണ്‍
(വെളിച്ചെണ്ണയ്ക്ക് പകരം തേനോ തേന്‍ മെഴുകോ ചേര്‍ക്കാം)
ബീറ്റ്‌റൂട്ട് അല്‍പ്പം വെള്ളം ചേര്‍ത്ത് മിക്‌സിയില്‍ അടിച്ചെടുത്ത് നീര് അരിച്ചെടുക്കുക. ഇത് ചൂടാക്കി കുറുക്കിയെടുത്ത് വെളിച്ചെണ്ണ ഒഴിച്ച് ആവശ്യത്തിന് കട്ടിയുള്ളതാക്കുക. തണുത്ത ശേഷം ഇതൊരു വ്യത്തിയുള്ള ചെറിയ കണ്ടെയ്‌നറിലേക്ക് മാറ്റാം. ബീറ്റ്റൂട്ട് മിശ്രിതം തണുത്ത ശേഷം വെളിച്ചെണ്ണയ്ക്ക് പകരം തേന്‍ ചേര്‍ത്താലും മതിയാകും. ഇത് ഫ്രിഡ്ജില്‍ സൂക്ഷിക്കാം. ഒരു ദിവസ്സം എത്ര പ്രാവശ്യം വേണമെങ്കിലും ഉപയോഗിക്കാം.

ചുണ്ടുകള്‍ സംരക്ഷിക്കാനുള്ള മാര്‍ഗങ്ങള്‍

• ഉറങ്ങാന്‍ പോകുന്നതിന് മുന്‍പ് അല്‍പ്പം ബദാം ഓയില്‍ ചുണ്ടുകളില്‍ തേച്ച് പിടിപ്പിക്കാം.
• ചുണ്ടില്‍ നാരങ്ങാനീര് പുരട്ടുന്നതും നെല്ലിക്കാ നീര് പുരട്ടുന്നതും നല്ലതാണ്. ഇവ പുരട്ടി ഉണങ്ങുന്നത് വരെ സൂക്ഷിക്കാം. ചുണ്ടിലെ മൃത കോശങ്ങള്‍ പോകാനും പിഗ്മന്റേഷന്‍ കുറയാനും ഇത് സഹായിക്കും.
• നാരങ്ങാനീരും തേനും ചേര്‍ത്ത് ചുണ്ടില്‍ പുരട്ടി അര മണിക്കൂറിന് ശേഷം കഴുകി കളയാം. ഇത് ചുണ്ടിലെ അഴുക്ക് കളയുകയും മൃദുവാക്കുകയും ചെയ്യും.
• നന്നായി വെള്ളം കുടിക്കുക. ജലാംശം ഇല്ലാത്തത് ചുണ്ടുകളുടെ ആരോഗ്യത്തെയും ബാധിക്കും.
• ചുണ്ടുകള്‍ വരണ്ട് പോകുന്നത് തടയാന്‍ ഗ്ലിസറിന്‍ സഹായിക്കും. രാത്രി കിടക്കുന്നതിന് മുന്‍പ് ഒരു കോട്ടണ്‍ തുണിയില്‍ ഗ്ലിസറിന്‍ എടുത്ത് ചുണ്ടുകളില്‍ പുരട്ടാം.

Life Style

Life Style

ക്രിസ്മസിന് ട്രീ ഒരുക്കുന്നത് എന്തിനെന്ന് ആലോചിച്ചിട്ടുണ്ടോ? ഇതിന് പിന്നിലും ഒരു കഥയുണ്ട്

Life Style

'ഡെസ്റ്റിനേഷൻ വെഡ്ഡിങ്ങി'നായി പശുത്തൊഴുത്ത് തിരഞ്ഞെടുത്ത് ദമ്പതികൾ; കളറാക്കാൻ കൂടെ പശുകളും

Life Style

ഡിസംബറില്‍ അല്ല, ജനുവരിയിലും ഒരു ക്രിസ്മസ് ദിനമുണ്ട്, അറിയാമോ?

Life Style

വീടുകളില്‍ ക്രിസ്മസ് അലങ്കാരങ്ങളൊരുക്കാം, എളുപ്പത്തില്‍