Get the latest news at
your fingertips!
Download our app now
LIVE TV
Search
മുംബൈ: പ്രമുഖ വ്യവസായി മുകേഷ് അംബാനിയുടെ മക്കളും ഇരട്ട സഹോദരങ്ങളുമായ ഇഷ അംബാനിയും ആകാശ് അംബാനിയും മുംബെയില്‍ നൈറ്റ് റൈഡ് നടത്തുന്ന വീഡിയോ സോഷ്യല്‍ മീഡിയയില്‍ വൈറലാകുന്നു. വെള്ള നിറത്തിലുള്ള റോള്‍സ് റോയ്സില്‍ കാറില്‍ ഇരുവര്‍ക്കും ഒപ്പം കാറിന്റെ പിന്‍ സീറ്റിലിരുന്ന് കാമറയെ നോക്കി ചിരിക്കുന്ന ആകാശിന്റെ ഭാര്യ ശ്ലോക മേത്തയെയും ദൃശ്യങ്ങളിൽ കാണാം.
ആരാധകര്‍ ഏറ്റെടുത്തതോടെ വീഡിയോ സോഷ്യല്‍ മീഡിയില്‍ വൈറലായി. 'ഇരട്ടസഹോദരങ്ങളായ ഇഷയും ആകാശും ആഡംബരത്തിന്റെ അടുത്ത ഘട്ടത്തിലേക്ക്, സ്വപ്നത്തില്‍ ജീവിക്കുന്ന ഒരു സാധാരണ ദിവസം മാത്രം,' എന്ന അടിക്കുറിപ്പോടെയാണ് ഒരു ഇന്‍സ്റ്റഗ്രാം ഹാന്‍ഡില്‍ വീഡിയോ പോസ്റ്റ് ചെയ്തത്.
മൂന്ന് മക്കളാണ് മുകേഷ് അംബാനി-നിത അംബാനി ദമ്പതികള്‍ക്കുള്ളത്. ഇരട്ട സഹോദരങ്ങളായ ആകാശ്, ഇഷ, ഇളയ സഹോദരന്‍ അനന്ത് അംബാനി എന്നിവര്‍. ഇക്കണോമിക്സില്‍ ബിരുദം നേടിയ ശേഷം 2014 ലാണ് ആകാശ് റിലയന്‍സ് ബിസിനസ് ലോകത്തേക്കെത്തിയത്. നിലവില്‍ റിലയന്‍സ് ജിയോ ഇന്‍ഫോകോം ലിമിറ്റഡിന്റെ ചെയര്‍മാനാണ് ആകാശ്. റിലയന്‍സിന്റെ കീഴിലുള്ള വിവിധ കമ്പനികളുടെ നേതൃനിരയില്‍ ഇഷ അംബാനിയുണ്ട്. സൈക്കോളജിയില്‍ ബിരുദവും ബിസിനസ് അഡ്മിനിസ്ട്രേഷനില്‍ ബിരുദാനന്തരബിരുദവും നേടിയ ഇഷ വിവാഹം ചെയ്തിരിക്കുന്നത് വ്യവസായി ആനന്ദ് പിരാമലിനേയാണ്.
ഇഷയും ആകാശും ഹുറൂണ്‍ ഇന്ത്യ അണ്ടര്‍ 35 റാങ്കിംഗില്‍ ഇടം നേടിയത് വാര്‍ത്തയായിരുന്നു. 35 വയസ്സിന് താഴെയുള്ള 150 മികച്ച സംരംഭകരെ അടയാളപ്പെടുത്തുന്ന പട്ടികയാണ് ഇത്. റിലയന്‍സ് റീട്ടെയിലിലെ നോണ്‍ എക്സിക്യൂട്ടീവ് ഡയറക്ടര്‍ ഇഷ അംബാനി പട്ടികയിലെ ഏറ്റവും പ്രായം കുറഞ്ഞ വനിതകളില്‍ ഒരാളാണ്. റിലയന്‍സ് ജിയോ ഇന്‍ഫോകോം ലിമിറ്റഡിന്റെ ചെയര്‍മാന്‍ ആണ് ആകാശ് അംബാനി.
CONTENT HIGHLIGHTS: Isha Ambani, Akash Ambani explore Mumbai in top-down Rolls-Royce
