Get the latest news at
your fingertips!
Download our app now
LIVE TV
Search
ട്രെയിനിന്റെ എസി കോച്ചില്‍ പാമ്പിനെ കണ്ടെത്തി. യാത്രക്കാരാണ് പാമ്പിനെ കണ്ടെത്തിയത്. ഝാര്‍ഖണ്ഡില്‍ നിന്ന് ഗോവയിലേക്ക് പോകുന്ന വാസ്‌കോ ഡ ഗാമ പ്രതിവാര എക്‌സ്പ്രസ് ട്രെയിനിലെ എസി 2- ടയര്‍ കോച്ചിലാണ് പാമ്പിനെ കണ്ടെത്തിയത്. ഒക്ടോബര്‍ 21നാണ് സംഭവം.
എസി 2-ടയര്‍ കോച്ചിലെ ലോവര്‍ ബെര്‍ത്തിൻ്റെ കര്‍ട്ടനുകള്‍ക്ക് സമീപമാണ് പാമ്പ് ഇഴഞ്ഞുനീങ്ങുന്നതായി കണ്ടത്. കോച്ചില്‍ തന്റെ മാതാപിതാക്കള്‍ യാത്ര ചെയ്യുന്നുണ്ടെന്നും ഉടന്‍ തന്നെ ഇടപെടണമെന്നും റെയില്‍വേ മന്ത്രി അശ്വിനി വൈഷ്ണവിനോട് ആവശ്യപ്പെട്ട് അങ്കിത് കുമാര്‍ സിന്‍ഹ എന്ന എക്സ് ഹാന്‍ഡിലിലാണ് വീഡിയോ പങ്കുവെച്ചത്. ഐആര്‍സിടിസി ജീവനക്കാരുടെ സഹായത്തോടെയാണ് പാമ്പിനെ പിടികൂടി ട്രെയിനില്‍ നിന്ന് നീക്കം ചെയ്തതു.
ഐആര്‍സിടിസി ജീവനക്കാരും ഒരു യാത്രക്കാരനും ചേര്‍ന്ന് ബെഡ്ഷീറ്റ് ഉപയോഗിച്ച് പാമ്പിനെ പിടിക്കാന്‍ ശ്രമിക്കുന്നതും വീഡിയോയില്‍ വ്യക്തമാണ്. അടിയന്തര പരിഹാരത്തിനായി വിഷയം ബന്ധപ്പെട്ട ഉദ്യോഗസ്ഥരെ അറിയിച്ചതായി റെയില്‍വേ പ്രതികരിച്ചു.
Hi @IRCTCofficial @RailMinIndia Snake found in Train -17322 (Jasidih to Vasco De Gama) on berth on date of 21st Oct This complain is on behalf of my parents who are travelling in AC 2 Tier -(A2 31 , 33). Please take immediate action
— Ankit Kumar Sinha (@ankitkumar0168) October 21, 2024
I have attached Videos for reference. pic.twitter.com/h4Vbro8ZnN
CONTENT HIGHLIGHTS: Snake Found In AC 2-Tier Coach Of Jharkhand-Goa Train
