Get the latest news at
your fingertips!
Download our app now
LIVE TV
Search
നിരവധി വീഡിയോകളും വാര്‍ത്തകളുമാണ് പാമ്പുകളുമായി ബന്ധപ്പെട്ട് ദിവസേന സോഷ്യല്‍ മീഡിയയില്‍ വൈറലാകുന്നത്. അത്തരത്തിലുള്ള മിക്ക വീഡിയോകളും നമ്മളെ ഭയപ്പെടുത്തുന്നതാണ്, എന്നാല്‍ ചിലതൊക്കെ കൗതുകമുളവാക്കുന്നതാണ്. ഇപ്പോഴിതാ സോഫയില്‍ വെച്ചിരിക്കുന്ന തലയണ കവറിനുള്ളില്‍ ഇരിക്കുന്ന മൂര്‍ഖന്റെ വീഡിയോ ആണ് സോഷ്യല്‍ മീഡിയയില്‍ വൈറലാകുന്നത്.
അഭിഷേക് സന്ധു എന്നയാളുടെ ഇന്‍സ്റ്റഗ്രാമിലാണ് വിഡിയോ ഷെയര്‍ ചെയ്തിരിക്കുന്നത്. വീട്ടിലെ സോഫയ്ക്ക് മുകളില്‍ വെക്കുന്ന തലയണ കവറിനുള്ളിലാണ് പാമ്പിനെ കണ്ടെത്തിയത്. കവറിനുള്ളില്‍ പാമ്പിനെ കണ്ട വീട്ടുകാര്‍ പാമ്പുപിടിത്തക്കാരനെ വിളിച്ചു വരുത്തി. തുടര്‍ന്ന് പാമ്പു പിടിത്തക്കാരനെത്തി കവര്‍ തുറക്കുന്നു. ആദ്യം ചെറിയൊരനക്കം മാത്രമേയുള്ളൂവെങ്കിലും പിന്നീട് കവര്‍ നന്നായി മാറ്റുമ്പോള്‍ മൂര്‍ഖര്‍ തല പുറത്തേയ്ക്കിടുന്നത് കാണാം. പാമ്പു പിടിത്തക്കാരന്‍ ഒന്നു കൂടി ഇരുമ്പു വടി ഉപയോഗിച്ച് കവര്‍ മാറ്റുമ്പോള്‍ പത്തി വിടര്‍ത്തി ചീറ്റുന്നതാണ് വീഡിയോയിലുള്ളത്.
അവസാനം പാമ്പിനെ പിടികൂടിയോ എന്നുള്ളത് വിഡിയോയില്‍ നിന്ന് വ്യക്തമല്ല. സാമൂഹിക മാധ്യമത്തില്‍ പങ്കുവെച്ച വിഡിയോ 16 മില്യണ്‍ ആളുകളാണ് ഇതുവരെ കണ്ടത്. എവിടെയാണ് സംഭവം നടക്കുന്നതെന്നും വ്യക്തമല്ല. അറിയാതെ ആ സോഫയില്‍ ഇരുന്നിരുന്നെങ്കില്‍ എന്തു ചെയ്യുമായിരുന്നു എന്ന് ചിലര്‍ വീഡിയോയുടെ താഴെ കമന്റ് ചെയ്തു. പേടിസ്വപ്നം എന്നാണ് ചിലര്‍ കമന്റ് ചെയ്തിരിക്കുന്നത്.ഒരു പുതിയ സോഫ വാങ്ങാനുള്ള സമയമായെന്ന് തമാശയില്‍ പ്രതികരിച്ചവരും കൂട്ടത്തിലുണ്ട്.
CONTENT HIGHLIGHTS: Man finds cobra hiding in sofa cover chilling video captures nerve wracking rescue
