Get the latest news at
your fingertips!
Download our app now
LIVE TV
Search
പ്രകൃതിയിലേക്ക് കണ്ണുതുറന്ന് നോക്കിയാല്‍ കാണാം പക്ഷിമൃഗാദികളുടെയും ഇലകളുടെയും പൂക്കളുടെയും എല്ലാം കൗതുകം നിറഞ്ഞതും അത്ഭുതപ്പെടുത്തുന്നതുമായ പല കാഴ്ചകള്‍. നൃത്തം ചെയ്യുന്ന മയിലുകള്‍, കാറ്റില്‍ തെന്നിയാടുന്ന ഇലകള്‍, നീന്തിത്തുടിക്കുന്ന മത്സ്യങ്ങള്‍. അങ്ങനെ പലതരം മനോഹര കാഴ്ചകള്‍.
എന്നാല്‍ എപ്പോഴെങ്കിലും ആന നൃത്തംചെയ്യുന്നത് നിങ്ങള്‍ കണ്ടിട്ടുണ്ടോ? അത്തരത്തിലൊരു കാഴ്ചയ്ക്കാണ് സോഷ്യല്‍ മീഡിയ കഴിഞ്ഞ കുറച്ച് നാളുകളായി സാക്ഷ്യം വഹിക്കുന്നത്. രണ്ട് പെണ്‍കുട്ടികള്‍ ഭരതനാട്യത്തിന് ചുവടുവയ്ക്കുമ്പോള്‍ അതിന്റെ പിന്നില്‍ നില്‍ക്കുന്ന ഒരു ആനയും അവരോടൊപ്പം കൂടെ ചുവടുവയ്ക്കുന്ന കാഴ്ചയാണ് സോഷ്യല്‍ മീഡിയിയില്‍ പ്രചരിക്കുന്ന ഒരു വീഡിയോയിലൂടെ കാണാന്‍ സാധിക്കുന്നത്.
തുമ്പിക്കൈയും വലിയ ചെവിയും ഒക്കെ അനക്കി നല്ല രസമായിട്ടാണ് ഈ ആന നൃത്തം ചെയ്യുന്നത്. പെണ്‍കുട്ടികള്‍ ഇടത്തേക്ക് തിരിഞ്ഞ് സ്റ്റെപ്പുകള് വയ്ക്കുമ്പോള്‍ ആനയും ആ വശത്തേക്ക് തിരിയും.വലതുവശത്തേക്ക് തിരിഞ്ഞ് സ്റ്റെപ്പുകള് വയ്ക്കുമ്പോള്‍ ആനയും വലത്തേക്ക് തിരിഞ്ഞ് നൃത്തം വയ്ക്കും. ശരണ്‍ റോക്കേഴ്‌സ് മീംമ്‌സ് എന്ന ഇന്‍സ്റ്റഗ്രാം പ്രൊഫൈലിലാണ് ഈ വീഡിയോ ഷെയര്‍ ചെയ്തിരിക്കുന്നത്.
Content Highlights : A video of an elephant dancing with girls is going viral
