Get the latest news at
your fingertips!
Download our app now
LIVE TV
Search
റോഡ് സൈഡിലെ മതിലുകളിലും പോസ്റ്റുകളിലുമൊക്കെ പല രീതിയിലുള്ള പരസ്യങ്ങള്‍ പതിക്കുന്നത് നമ്മള്‍ കാണാറുണ്ട്. എന്നാല്‍ ഒരു 'അജ്ഞാത പോസ്റ്റര്‍' പൊലീസിനെയും നാട്ടുകാരെയും ഒരുപോലെ കുഴപ്പിച്ചിരിക്കുകയാണ്. ഉത്തര്‍പ്രദേശിലാണ് സംഭവം. നോയിഡയിലും മീററ്റിലുമാണ് 'സോറി ബുബു' എന്നെഴുതിയ പോസ്റ്റര്‍ പ്രത്യക്ഷപ്പെട്ടത്.
നൂറ് കണക്കിന് പോസ്റ്ററുകളാണ് വഴിയരികില്‍ പ്രത്യക്ഷപ്പെട്ടിരിക്കുന്നത്. പോസ്റ്ററുകളുടെ ദൃശ്യങ്ങള്‍ ഒരാള്‍ പകര്‍ത്തി പങ്കുവെച്ചതോടെ സോഷ്യല്‍ മീഡിയയിലും ഇത് ചൂടുള്ള ചര്‍ച്ചയായി. ചുരുങ്ങിയ സമയം കൊണ്ട് നിരവധി പേരാണ് വീഡിയോ കണ്ടത്. ആരാണ് പോസ്റ്റര്‍ ഒട്ടിച്ചതെന്നത് ഇപ്പോഴും അജ്ഞാതമായി തുടരുകയാണ്. സോഷ്യല്‍ മീഡിയയിലെ ആളെ കണ്ടെത്താനുള്ള അന്വേഷണത്തിനൊപ്പം പൊലീസും ഇക്കാര്യത്തില്‍ അന്വേഷണം ആരംഭിച്ചിട്ടുണ്ടെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
'സോറി ബുബു' എന്ന വാക്കുകളല്ലാതെ മറ്റ് വിവരങ്ങളൊന്നും പോസ്റ്ററിലില്ല. ചില കാര്‍ട്ടൂര്‍ കഥാപാത്രങ്ങളുടെ ചിത്രങ്ങള്‍ പോസ്റ്ററിലുണ്ട്. പ്രണയനൈരാശ്യം മൂലം ആരോ ചെയ്തതാകാം ഇതെന്നാണ് സോഷ്യല്‍ മീഡിയയില്‍ ഒരു വിഭാഗം പറയുന്നത്. മറ്റുചിലര്‍ പറയുന്നതാകട്ടെ ഇത് ആരുടെയെങ്കിലും പ്രാങ്ക് ആയിരിക്കാമെന്നാണ്. എന്തായാലും ഇതുവരെ പോസ്റ്റര്‍ ഒട്ടിച്ച ആളെ കണ്ടെത്താനാകാത്തത് പൊലീസിനും വലിയ തലവേദനയായി മാറിയിട്ടുണ്ട്. പോസ്റ്ററുകള്‍ പ്രത്യക്ഷപ്പെട്ട സ്ഥലങ്ങളിലെ സിസിടിവി ദൃശ്യങ്ങള്‍ ഉള്‍പ്പടെ പരിശോധിച്ചാണ് പൊലീസ് അന്വേഷണം പുരോഗമിക്കുന്നത്.
UP के नोएडा से लेकर मेरठ तक मुख्य मार्ग की दीवारों पर सॉरी बाबू (Sorry BaBu) के पोस्टर चस्पा मिले हैं। कौन किससे सॉरी बोल रहा हैं... इसका कुछ पता नहीं चला। बाबू की स्पेलिंग भी गलत लिखी हैं .नोएडा में बोटैनिकल गार्डन मेट्रो स्टेशन के पास एफओबी पर भी करीब 30-40 पोस्टर लगे होने की… pic.twitter.com/WlO33yjKCU
— TRUE STORY (@TrueStoryUP) January 29, 2025
Content Highlights: Mysterious Posters Appear On Walls & Pillars At Public Places From Noida To Meerut
