Get the latest news at
your fingertips!
Download our app now
LIVE TV
Search
അരാണ് ബോണസ് മോം? കഴിഞ്ഞ ഏതാനും വര്‍ഷങ്ങളായി യൂറോപ്പിലും യുഎസിലുമുള്‍പ്പടെ കേള്‍ക്കുന്ന വാക്കാണ് ബോണസ് മോം എന്നത്. മാതൃത്വത്തെ വിശേഷിപ്പിക്കുന്ന പുതിയ പദമെന്ന് ഒറ്റവാക്കില്‍ ഇതിനെ നിര്‍വചിക്കാം. തികച്ചും പോസിറ്റീവായ ഈ വാക്ക്, തന്റെ പങ്കാളിയുടെ മുന്‍ ബന്ധത്തിലെ കുട്ടികളെ പരിപാലിക്കുന്ന അമ്മമാരെ വിശേഷിപ്പിക്കാനാണ് ഉപയോഗിക്കുന്നത്. സിനിമകളിലും സീരിയലിലും കഥകളിലുമൊക്കെ കേട്ട് തഴമ്പിച്ച, സ്റ്റീരിയോടൈപ്പ് ചെയ്യപ്പെട്ട, രണ്ടാനമ്മ എന്ന വിശേഷണത്തിന് പകരമോ അല്ലെങ്കില്‍ ഈ സങ്കല്‍പ്പങ്ങളെ തകര്‍ക്കാനോ 'ബോണസ് മോം' എന്ന പുതിയ പദത്തിനാകുന്നുണ്ട്.
രണ്ടാനമ്മ അല്ലെങ്കില്‍ അമ്മയ്ക്ക് പകരം എന്ന വാക്കിന് പകരമാണ് ബോണസായി ഒരു അമ്മയെന്ന വാക്ക് വരുന്നത്. കുട്ടിയുടെ ജീവിതത്തിലേക്ക് പകരമായെത്തുന്ന ആളല്ല, ഒരു പോസിറ്റീവായ കൂട്ടിച്ചേര്‍ക്കല്‍ എന്നോ സമ്മാനമെന്നോ ഈ സ്ഥാനത്തെ വിശേഷിപ്പിക്കാം. അതുകൊണ്ട് തന്നെയാണ് 'സ്റ്റെപ്പ് മോം' എന്ന പദത്തിന് പകരം വന്ന ബോണസ് മോം എന്ന വാക്കിന് ഇത്രയേറെ സ്വീകാര്യത ലഭിച്ചതും.
എപ്പോഴാണ് ബോണസ് മോം എന്ന പദം ഉപയോഗിച്ച് തുടങ്ങിയതെന്ന് വ്യക്തമല്ല. 1990-കളിലോ 2000-ത്തിന്റെ തുടക്കത്തിലോ ആണ് ഈ വാക്ക് പ്രചാരം നേടാന്‍ തുടങ്ങിയത്. വിവാഹമോചനവും പുനര്‍വിവാഹവുമൊക്കെ വര്‍ധിക്കുന്ന സമയത്ത്, വലുതാകുന്ന കുടുംബത്തെ, ബന്ധങ്ങളെ വിശേഷിപ്പിക്കാനുള്ള വാക്കെന്ന നിലയിലാണ് ഈ വാക്ക് ഉപയോഗിച്ച് തുടങ്ങിയതെന്നാണ് കരുതപ്പെടുന്നത്. സോഷ്യല്‍ മീഡിയകളും ഈ വാക്കിന് വലിയ പ്രചാരം ലഭിക്കുന്നതില്‍ പ്രധാന ഘടകമായിട്ടുണ്ട്.
Content Highlights: Who Is A 'Bonus Mom'? Vilified In Fairytales For Centuries
