Get the latest news at
your fingertips!
Download our app now
LIVE TV
Search
ജപ്പാന്‍ സന്ദർശിക്കാന്‍ നിങ്ങൾ പ്ലാൻ ചെയ്യുന്നുണ്ടോ? എങ്കിൽ ജപ്പാനിലേക്ക് പോകാൻ ഇപ്പോഴുള്ളതിനേക്കാൾ മികച്ച സമയം വേറെയില്ല. കാരണം ഇന്ത്യക്കാർക്കുള്‍പ്പടെ മികച്ചൊരു സർപ്രൈസാണ് കാത്തിരിക്കുന്നത്. അന്താരാഷ്ട്ര യാത്രികരെ പ്രോത്സാഹിപ്പിക്കുന്നതിനായി ജപ്പാൻ എയർലൈൻസാണ് ഒരു ഓഫർ മുന്നോട്ട് വെച്ചിരിക്കുന്നത്. എന്താണ് ആ സർപ്രെെസ് എന്ന് അറിയണ്ടേ…
ജപ്പാൻ എയർലൈൻസിൽ ഒരു അന്താരാഷ്ട്ര ഫ്ലൈറ്റ് ബുക്ക് ചെയ്യുമ്പോൾ ജപ്പാനുള്ളില്‍ ഏത് ലക്ഷ്യസ്ഥാനത്തേയ്‌ക്കും കോംപ്ലിമെൻ്ററി ആഭ്യന്തര ഫ്ലൈറ്റ് ആസ്വദിക്കാം. ഇന്ത്യ ഉൾപ്പെടെ തിരഞ്ഞെടുക്കപ്പെട്ട രാജ്യങ്ങളിൽ നിന്നുള്ള യാത്രക്കാർക്കാണ് ഈ ഓഫർ ലഭ്യമാകുക. പട്ടികയിലെ മറ്റ് ചില രാജ്യങ്ങൾ ഇവയാണ്: യുഎസ്, കാനഡ, മെക്‌സിക്കോ, തായ്‌ലൻഡ്, സിംഗപ്പൂർ, ന്യൂസിലാൻഡ്, ഓസ്‌ട്രേലിയ, വിയറ്റ്‌നാം, ഫിലിപ്പൈൻസ്, ഇന്തോനേഷ്യ, ചൈന...
ഓഫർ ലഭിക്കാന്‍ ഒറ്റ റിസർവേഷനിൽ അന്താരാഷ്ട്ര, ആഭ്യന്തര വിമാനങ്ങൾ ബുക്ക് ചെയ്യണം. ജപ്പാൻ എയർലൈൻസ് ഫ്ലൈറ്റുകൾക്ക് മാത്രമേ ഈ ഓഫർ ലഭിക്കൂ. കൂടാതെ, നിങ്ങൾക്ക് ജപ്പാനിൽ 24 മണിക്കൂറിൽ കൂടുതൽ ലെയോവർ ഉണ്ടെങ്കിൽ, നിങ്ങൾ പുറപ്പെടുന്ന രാജ്യം അനുസരിച്ച് ചില നിരക്കുകൾ ബാധകമായേക്കാം. വിദേശ സഞ്ചാരികളെ ആകർഷിക്കാനും അധികം അറിയപ്പെടാത്ത സ്ഥലങ്ങൾ പ്രമോട്ട് ചെയ്യാനും ലക്ഷ്യമിട്ടാണ് ജപ്പാൻ എയർലൈൻസിൻ്റെ ഓഫർ.
Content Highlights:Japan Airlines has a very exciting offer going on to encourage international travellers to explore beyond Japan’s popular destinations
