Get the latest news at
your fingertips!
Download our app now
LIVE TV
Search
ട്രാക്കിലും വെള്ളത്തിലും മാത്രമല്ല റോഡിലും പവർ കാണിക്കാൻ കൊച്ചിക്കാർക്ക് 'മെട്രോ കണക്റ്റ്'എത്തുന്നു. വിവിധ മെട്രോ സ്‌റ്റേഷനുകളില്‍ നിന്നുള്ള ഇലക്ട്രിക് ബസ് സര്‍വീസ് അടുത്തയാഴ്ച ആരംഭിക്കും. കഴിഞ്ഞ കുറച്ച് ദിവസങ്ങളിലായി കൊച്ചി നഗരത്തിലൂടെ നടക്കുന്ന പരീക്ഷണയോട്ടം പൂർത്തിയായി. 'മെട്രോ കണക്റ്റ്' എന്ന പേരിലാണ് പുതിയ സര്‍വീസ് കൊച്ചി‌ക്കാർക്കിടയിലേക്ക് എത്തുന്നത്.
ആലുവ-ഇന്റര്‍നാഷണല്‍ എയര്‍പോര്‍ട്ട്, കളമശേരി-മെഡിക്കല്‍ കോളജ്, ഹൈക്കോര്‍ട്ട്- എം ജി റോഡ് സര്‍ക്കുലര്‍, കടവന്ത്ര-കെ പി വള്ളോന്‍ റോഡ് സര്‍ക്കുലര്‍, കാക്കനാട് വാട്ടര്‍മെട്രോ-ഇന്‍ഫോപാര്‍ക്ക്, കിന്‍ഫ്രപാര്‍ക്ക്, കളക്ട്രേറ്റ് എന്നീ റൂട്ടുകളിലാണ് തുടക്കത്തില്‍ ഇലക്ട്രിക് ബസ് സര്‍വ്വീസുകള്‍ ആരംഭിക്കുന്നത്. ആലുവ- എയര്‍പോര്‍ട്ട് റൂട്ടില്‍ 80 രൂപയും മറ്റു റൂട്ടുകളില്‍ അഞ്ച് കിലോമീറ്റര്‍ യാത്രയ്ക്ക് മിനിമം 20 രൂപയുമാണ് പൂര്‍ണമായും എയര്‍കണ്ടീഷന്‍ ചെയ്ത ഇലക്ട്രിക് ബസിലെ യാത്ര നിരക്ക്. കൊച്ചി മെട്രോ സ്റ്റേഷനിലേക്കുള്ള ഫസ്റ്റ് മൈല്‍-ലാസ്റ്റ് മൈല്‍ കണക്ടിവിറ്റി വര്‍ധിപ്പിക്കാനുള്ള നീക്കത്തിന്റെ ഭാഗമായാണ് 15 ഇലക്ട്രിക് ബസുകള്‍ വാങ്ങി കൊച്ചി മെട്രോ സര്‍വ്വീസ് നടത്തുന്നതെന്ന് കെഎംആര്‍എല്‍ മനേജിംഗ് ഡയറക്ടര്‍ ലോക്‌നാഥ് ബഹ്‌റ പറഞ്ഞു.
ആളുകൾക്ക് സൗകര്യപ്രദമായ വിധമാണ് ബസ് സജ്ജീകരിച്ചിരിക്കുന്നത്. 33 സീറ്റുകളാണ് ബസിലുള്ളത്. മുട്ടം, കലൂര്‍, വൈറ്റില, ആലുവ എന്നിവടങ്ങളിലാണ് ചാര്‍ജിംഗ് സ്റ്റേഷനുകള്‍ ഉണ്ടാവുക. ഡിജിറ്റല്‍ പേമെന്റ് വഴിയാണ് ടിക്കറ്റിംഗ്. യുപിഐ വഴിയും റുപേ ഡെബിറ്റ് കാര്‍ഡ്, കൊച്ചി വണ്‍ കാര്‍ഡ് എന്നിവ വഴിയും പേമെന്റ് ചെയ്യാനും ടിക്കറ്റ് എടുക്കാനും സാധിക്കും. എയര്‍പോര്‍ട്ട് റൂട്ടില്‍ നാലു ബസുകളും കളമശേരി റൂട്ടില്‍ രണ്ട് ബസുകളും ഇന്‍ഫോപാര്‍ക്ക് റൂട്ടില്‍ ഒരു ബസും കളക്ട്രേറ്റ് റൂട്ടില്‍ രണ്ട് ബസുകളും ഹൈക്കോര്‍ട്ട് റൂട്ടില്‍ മൂന്നു ബസുകളും കടവന്ത്ര റൂട്ടില്‍ ഒരു ബസുമാണ് സര്‍വീസ് നടത്തുന്നതെന്ന് കൊച്ചി മെട്രോ അഡീഷണല്‍ ജനറല്‍ മാനേജര്‍ ടി ജി ഗോകുല്‍ പറഞ്ഞു.
Content Highlights: Electric bus services from various metro stations will start next week. The trial run through the city of Kochi has been completed in the last few days. The new service is coming to Kochi residents under the name of 'Metro Connect'.
