Get the latest news at
your fingertips!
Download our app now
LIVE TV
Search
ഇനി വർഷം മുഴുവനും ജമ്മു-കശ്മീരിലെ സോനമാർഗ് നഗരത്തിലേക്ക് യാത്ര ചെയ്യാം. കഴിഞ്ഞ ദിവസമാണ് ഗന്ദർപാൽ ജില്ലയിലെ സോനമാർഗ് തുരങ്ക പാത പ്രധാന മന്ത്രി നരേന്ദ്ര മോദി ഉദ്ഘാടനം ചെയ്തത്. തുരങ്കത്തിനുള്ളിലൂടെ വാഹനത്തിൽ നരേന്ദ്ര മോദി യാത്ര ചെയ്യുകയും ചെയ്തു. ഇസഡ് മോർ ടണൽ എന്നറിയപ്പെടുന്ന ഈ തുരങ്കത്തിന് 6.4 കിലോമീറ്റർ നീളമാണുള്ളത്. ഇരട്ടവരിപാതയാണ്. 2,700 കോടി രൂപ ചെലവിലാണ് തുരങ്കം നിർമ്മിച്ചിരിക്കുന്നത്.
സോനാമാർഗിനേയും ഗഗൻഗിറിനെയും ബന്ധിപ്പിക്കുന്നതാണ് ഈ തുരങ്കം. സമുദ്രനിരപ്പിൽ നിന്ന് 8,562 അടി ഉയരത്തിലാണ് ഈ തുരങ്കം നിർമ്മിച്ചിരിക്കുന്നത്. ഏത് കാലാവസ്ഥയിലും ഗതാഗതത്തിനായി ഈ തുരങ്ക പാത ഉപയോഗിക്കാനാകുമെന്നതാണ് പ്രധാന പ്രത്യേകത.
ഇത് സോനാമാർഗിലെ വിനോദസഞ്ചാര കേന്ദ്രത്തിലേക്കുള്ള സന്ദർശകരുടെ വരവിന് സഹായകരമാകും. മണ്ണിടിച്ചിൽ സാധ്യതയുള്ളതും ഹിമപാത ബാധിത പ്രദേശങ്ങളും നേരത്തെ യാത്രകളെ പ്രതികൂലമായി ബാധിച്ചിരുന്നു.
2015 മെയ് മാസത്തിലാണ് തുരങ്ക പാതയുടെ നിർമ്മാണം ആരംഭിച്ചത്. 2024 ൽ പൂർത്തിയായ ഇസഡ്-മോർ തുരങ്കം ഇപ്പോൾ പൂർണ്ണമായും പ്രവർത്തനക്ഷമമാണ്. ഇസഡ്-മോർ തുരങ്കം ബാൽട്ടൽ, ലഡാക്ക് മേഖലകളിലേക്ക് തടസ്സമില്ലാത്ത കണക്റ്റിവിറ്റി നൽകും. ഇത് ജനങ്ങളുടെയും, സൈനിക ഗതാഗതത്തെയും പിന്തുണയ്ക്കുകയും ചെയ്യും. സോജില തുരങ്ക പദ്ധതിയുടെ ഭാഗമാണ് സോനാമാർഗ് പാത. 13.2 കിലോമീറ്റർ സോജില പാതയുടെ നിർമ്മാണം 2028ൽ പൂർത്തിയാകും.
Content Highlights: PM Modi inaugurates Z-Morh tunnel in Kashmir, connecting Sonamarg year-round
