Get the latest news at
your fingertips!
Download our app now
LIVE TV
Search
കയ്യില്‍ പണമില്ലാത്തതിന്റെ പേരില്‍ ട്രെയിന്‍ ടിക്കറ്റ് ബുക്ക് ചെയ്യാന്‍ പറ്റാത്ത അവസ്ഥ പലരും നേരിട്ടിട്ടുണ്ടാകും അല്ലേ? എന്നാല്‍ ഇനി കയ്യില്‍ പണമില്ലെങ്കിലും ട്രെയിന്‍ ടിക്കറ്റ് ബുക്ക് ചെയ്യാം. ഇന്ത്യന്‍ റെയില്‍ വേയുടെ ബുക്ക് നൗ, പേ ലേറ്റര്‍ എന്ന സംവിധാനം ഉപയോഗിച്ചാണ് പണം നല്‍കാതെ ടിക്കറ്റ് ബുക്ക് ചെയ്യാന്‍ സാധിക്കുക. ടിക്കറ്റ് എടുത്ത് 14 ദിവസത്തിനുള്ളില്‍ പണമടച്ചാല്‍ മതിയാകും. അര്‍ഥശാസ്ത്ര ഫിന്‍ടെക് പ്രൈവറ്റ് ലിമിറ്റജുമായി സഹകരിച്ചാണ് ഈ സംവിധാനം നടപ്പാക്കുന്നത്.
ബുക്ക് നൗ പേ ലെയ്റ്റര്‍ സംവിധാനം വഴി എങ്ങനെ ബുക്ക് ചെയ്യാം
കഴിഞ്ഞ വര്‍ഷം യാത്രക്കാർക്കായി നിരവധി സേവനങ്ങളാണ് ഇന്ത്യന്‍ റെയില്‍വേ മുന്നോട്ടുവെച്ചത്. പുതിയ ഐആർസിടിസി നെക്സ്റ്റ് ജനറേഷൻ ബുക്കിങ് സിസ്റ്റം, വികൽപ് സ്കീം, ഇ- കാറ്ററിംഗ് തുടങ്ങിയവ ഈ സേവനങ്ങളില്‍ ഉള്‍പ്പെടും.
പുതിയ ഐആർസിടിസി നെക്സ്റ്റ് ജനറേഷൻ ബുക്കിങ് സിസ്റ്റം: വളരെ വേഗത്തിലും എളുപ്പത്തിലും ട്രെയിൻ ബുക്ക് ചെയ്യാൻ സഹായിക്കുന്നതാണ് പുതിയ ഐആർസിടിസി നെക്സ്റ്റ് ജനറേഷൻ ബുക്കിങ് സിസ്റ്റം. ട്രെയിനുകൾ എളുപ്പത്തിൽ തിരഞ്ഞെടുക്കാനും സീറ്റ് ലഭ്യത പരിശോധിക്കാനും സുരക്ഷിതമായി പേയ്മെന്റുകൾ നടത്താനും കഴിയുന്ന രീതിയിലുള്ള ഉപയോക്തൃ സൗഹൃദ ഇന്റർഫേസാണ് ഇതിന്റെ പ്രത്യേകത.
വികൽപ് സ്കീം: ബുക്ക് ചെയ്ത ട്രെയിൻ വൈകുകയോ കൺഫർമേഷനാകാതെ വെയ്റ്റിങ് ലിസ്റ്റിൽ വന്ന ശേഷം ടിക്കറ്റ് ലഭിക്കാതിരിക്കുകയോ ചെയ്താൽ യാത്രക്കാർക്ക് ബദൽ ട്രെയിൻ തിരഞ്ഞെടുക്കാനുള്ള സൗകര്യമാണ് ഇത് വാഗ്ദാനം ചെയ്യുന്നത്.
ഇ-കാറ്ററിംഗ് സേവനങ്ങൾ: ട്രെയിനുകളിലെ നിങ്ങളുടെ സീറ്റിലേക്ക് നേരിട്ട് ഭക്ഷണം ഡെലിവറി ചെയ്യുന്നതിനുള്ള സൗകര്യമാണിത്. ഐആർസിടിസി വെബ്‌സൈറ്റ് അല്ലെങ്കിൽ ആപ്പ് വഴി തിരഞ്ഞെടുത്ത റെസ്റ്റോറൻ്റുകളിൽ നിന്ന് ഭക്ഷണം ഓർഡർ ചെയ്യാവുന്നതാണ്.
Content Highlights: the new IRTCTC later scheme lets you book now, pay later
