Get the latest news at
your fingertips!
Download our app now
LIVE TV
Search
നാഗര്‍കോവില്‍-അരല്‍വായ്‌മൊഴി സെക്ഷനില്‍ റെയില്‍ ബ്രഡ്ജിന് സമീപമുണ്ടായ മണ്ണിടിച്ചിലിനെ തുടര്‍ന്ന് ട്രെയിന്‍ സമയങ്ങളില്‍ മാറ്റം. കേരളത്തിലേക്കുള്ള ട്രെയിനുകളുടെ സമയമുള്‍പ്പടെയാണ് മാറ്റിയത്. രണ്ട് ട്രെയിനുകള്‍ റദ്ദാക്കുകയും രണ്ട് ട്രെയിനുകള്‍ റീ-ഷെഡ്യൂള്‍ ചെയ്യുകയും ചെയ്തിട്ടുണ്ട്. അറ്റകുറ്റപ്പണികള്‍ നടക്കുന്ന റെയില്‍ ബ്രിഡ്ജ് 326ന് അടുത്താണ് മണ്ണിടിച്ചിലുണ്ടായത്.
നാഗര്‍കോവില്‍ ജംഗ്ഷനില്‍ നിന്ന് രാവിലെ 6.25ന് പുറപ്പെടേണ്ടിയിരുന്ന ട്രെയിന്‍ നമ്പര്‍ 56102 നാഗര്‍കോവില്‍ ജംഗ്ഷന്‍-കൊല്ലം ജംഗ്ഷന്‍ പാസഞ്ചര്‍ നാഗര്‍കോവില്‍ ജംഗ്ഷനില്‍ നിന്ന് 1.30 മണിക്കൂര്‍ വൈകി പുറപ്പെടുന്ന രീതിയിലാണ് പുനഃക്രമീകരിച്ചത്. കന്യാകുമാരിയില്‍ നിന്ന് രാവിലെ 5.15ന് പുറപ്പെടേണ്ടിയിരുന്ന ട്രെയിന്‍ നമ്പര്‍ 07229 കന്യാകുമാരി-ചെന്നൈ എഗ്മോര്‍ സ്‌പെഷ്യല്‍ ഇന്ന് കന്യാകുമാരിയില്‍ നിന്ന് 2 മണിക്കൂര്‍ 45 മിനിറ്റ് വൈകി പുറപ്പെടുന്ന തരത്തിലിലാണ് ക്രമീകരിച്ചത്.
രണ്ട് ട്രെയിനുകളാണ് റദ്ദാക്കിയത്. നാഗര്‍കോവില്‍ ജംഗ്ഷനില്‍ നിന്ന് രാവിലെ 7.55ന് പുറപ്പെടേണ്ടിയിരുന്ന ട്രെയിന്‍ നമ്പര്‍ 56305 നാഗര്‍കോവില്‍ ജംഗ്ഷന്‍- തിരുവനന്തപുരം നോര്‍ത്ത് പാസഞ്ചര്‍ റദ്ദാക്കി. തിരുവനന്തപുരം സെന്‍ട്രലില്‍ നിന്ന് ഉച്ചയ്ക്ക് 1.25ന് പുറപ്പെടേണ്ടിയിരുന്ന ട്രെയിന്‍ നമ്പര്‍ 56310 തിരുവനന്തപുരം നോര്‍ത്ത്-നാഗര്‍കോവില്‍ ജംഗ്ഷന്‍ പാസഞ്ചറും റദ്ദാക്കിയിട്ടുണ്ട്.
Content Highlights: Change in train timings to Kerala
