![ഇറോഡ് എം പി ഗണേശമൂര്ത്തി അന്തരിച്ചു; ഹൃദയാഘാതമെന്ന് ആശുപത്രി അധികൃതര്](http://media.assettype.com/reporterlive%2F2024-03%2F4ab81f45-7f37-4f99-bdd2-d27581fa7501%2Fa_ganeshmoorthy.jpg?w=480&auto=format%2Ccompress&fit=max)
ചെന്നൈ: ഇറോഡ് എംപി എ ഗണേശമൂര്ത്തി അന്തരിച്ചു. കോയമ്പത്തൂരിലെ ആശുപത്രിയില് തീവ്രപരിചരണ വിഭാഗത്തില് ചികിത്സയിലിരിക്കെയാണ് അന്ത്യം. ഹൃദയാഘാതമാണ് മരണകാരണമെന്ന് ആശുപത്രി അധികൃതര് അറിയിച്ചു.
ഗണേശമൂര്ത്തി ആത്മഹത്യക്ക് ശ്രമിച്ചുവെന്ന് നേരത്തെ റിപ്പോര്ട്ടുകളുണ്ടായിരുന്നു. ലോക്സഭാ തിരഞ്ഞെടുപ്പില് സീറ്റ് നിഷേധിച്ചതിനെ തുടര്ന്ന് ജീവനൊടുക്കാന് ശ്രമിച്ചുവെന്നായിരുന്നു റിപ്പോര്ട്ടുകള്. എംഡിഎംകെ നേതാവായ ഗണേശമൂര്ത്തി ഡിഎംകെ ചിഹ്നത്തിലായിരുന്നു ജയിച്ചത്.
കീടനാശിനി കുടിച്ചുവെന്ന് അദ്ദേഹം കുടുംബാംഗങ്ങളോട് പറഞ്ഞതായാണ് വിവരം. ആരോഗ്യനില ഗുരുതരമായതോടെ ഐസിയുവില് നിന്നും വെന്റിലേറ്ററിലേക്ക് മാറ്റുകയായിരുന്നു. ഈറോഡ് മണ്ഡലത്തില് രണ്ട് ലക്ഷത്തിലധികം വോട്ടുകള്ക്ക് വിജയിച്ച ഗണേശ മൂര്ത്തി മകന് ധുരെയ്ക്ക് സുരക്ഷിത മണ്ഡലം നല്കാനായി ഡിഎംകെയില് നിന്നും തിരുച്ചിറപ്പള്ളി ചോദിച്ചുവാങ്ങുകയായിരുന്നു. എന്നാല് എംഡിഎംകെയില് നിന്നും ഈറോഡ് സീറ്റ് ഏറ്റെടുത്ത ഡിഎംകെ ഉദയനിധി സ്റ്റാലിന്റെ വിശ്വസ്തനായ കെ ഇ പ്രകാശിനെ സ്ഥാനാര്ത്ഥിയാക്കുകയായിരുന്നു.