![ഐസിഎസ്ഇ പത്താം ക്ലാസ്, ഐഎസ്സി പ്ലസ് ടു പരീക്ഷ ഫലപ്രഖ്യാപനം മെയ് ആറിന്](http://media.assettype.com/reporterlive%2F2024-05%2F9f1a4b93-c552-40ca-9480-2703cfe4d625%2FBeFunky_collage__1_.jpg?w=480&auto=format%2Ccompress&fit=max)
ന്യൂഡൽഹി: കൗൺസിൽ ഫോർ ദി ഇന്ത്യൻ സ്കൂൾ സർട്ടിഫിക്കറ്റ് എക്സാമിനേഷൻസ് (CISCE) 10, 12 ക്ലാസുകളിലെ ഫലങ്ങൾ പ്രസിദ്ധീകരിക്കുന്നതിനുള്ള തീയതിയും സമയവും പ്രഖ്യാപിച്ചു. ഫലങ്ങൾ മെയ് ആറിന് തിങ്കളാഴ്ച രാവിലെ 11ന് പ്രഖ്യാപിക്കും. ഔദ്യോഗിക വെബ്സൈറ്റായ cisce.org ൽ ഫലങ്ങൾ ലഭ്യമാകും. ഫെബ്രുവരി 21 മുതൽ മാർച്ച് 8 വരെയായിരുന്നു ഐസിഎസ്ഇ പത്താം ക്ലാസ് പരീക്ഷ.
ഫെബ്രുവരി 26 മുതൽ ഏപ്രിൽ നാലു വരെയായിരുന്നു ഐഎസ്സി പ്ലസ്ടു പരീക്ഷ. 2023ൽ പത്താം ക്ലാസിൽ 98.84, പ്ലസ്ടുവിനു 96.63 എന്നിങ്ങനെയായിരുന്നു വിജയശതമാനം. ഏകദേശം 2.5 ലക്ഷം ഉദ്യോഗാർത്ഥികൾ പരീക്ഷയിൽ പങ്കെടുത്തിരുന്നു.