![ബെംഗളൂരിൽ റെക്കോർഡ് മഴ;133 വർഷത്തെ ചരിത്രം തിരുത്തി ഒറ്റ ദിവസം ലഭിച്ചത് ജൂണിൽ ലഭിക്കേണ്ട ശരാശരി മഴ](http://media.assettype.com/reporterlive%2F2024-06%2Fa4f51412-e327-4ac5-aa7a-bdb740cbf018%2F__________6_.jpg?w=480&auto=format%2Ccompress&fit=max)
ബെംഗളൂരു: ബെംഗളൂരു നഗരത്തിൽ 24 മണിക്കൂറിനിടെ ലഭിച്ചത് റെക്കോർഡ് മഴയെന്ന് റിപ്പോർട്ട്. ജൂൺ മാസത്തിൽ ലഭിക്കേണ്ട ശരാശരി മഴയേക്കാൾ അധികം മഴയാണ് ഞായറാഴ്ച്ച മാത്രം ബെംഗളൂരുവിൽ ലഭിച്ചത്. ബെംഗളൂരുവിൽ 133 വർഷത്തിന് ശേഷമാണ് ഇത്ര മാത്രം മഴ ലഭിക്കുന്നത്.
ഏകദേശം 140.7 മില്ലി മീറ്റർ മഴയാണ് ഞായറാഴ്ച്ച മാത്രം ബെംഗളൂരുവിൽ പെയ്ത് ഇറങ്ങിയതെന്ന് കേന്ദ്ര കാലാവസ്ഥ വകുപ്പ് അറിയിച്ചു. കണക്ക് പ്രകാരം ജൂൺ മാസം 110.3 മില്ലി മീറ്റർ മഴയാണ് നഗരത്തിൽ ലഭിക്കേണ്ടത്. എന്നാൽ മൂന്നാം തിയതി ആയപ്പോഴേക്കും അധിക മഴയാണ് ലഭിച്ചത്. മഴ മുന്നറിയിപ്പ് തുടരുന്ന സാഹചര്യത്തിൽ ജൂൺ അഞ്ച് വരെ ബെംഗളൂരുവിൽ യെല്ലാേ അലർട്ട് പ്രഖ്യാപിച്ചിട്ടുണ്ട്.
അപ്രതീക്ഷിതമായി മഴ ലഭിച്ചതാേടെ ബെംഗളൂരു നഗരം നിശ്ചലമാണ്. നഗരത്തിലെ മെട്രോ സർവീസുകൾ ഉൾപ്പെടെ സ്തംഭിച്ചു. നിരവധി പ്രദേശങ്ങൾ വെള്ളക്കെട്ടിലായി. നഗരത്തിൻ്റെ പല ഭാഗങ്ങളിലായി നിരവധി മരങ്ങൾ കടപുഴകി വീണു. ഇതുമൂലം പല ഭാഗങ്ങളിലും ഗതാഗതം തടസപ്പെട്ടു.