.jpg?w=480&auto=format%2Ccompress&fit=max)
ഇന്ത്യൻ ക്രിക്കറ്റ് താരം ഹാർദ്ദിക്ക് പാണ്ഡ്യയും ഭാര്യ നടാഷയും വേർപ്പിരിഞ്ഞതായി അറിയിച്ച് താരം രംഗത്ത്. ഹാർദ്ദിക് പാണ്ഡ്യ തന്നെയാണ് ഈ കാര്യം ഇൻസ്റ്റഗ്രാമിലൂടെ ആരാധകരെ അറിയിച്ചത്. മാസങ്ങളോളം നീണ്ട അഭ്യൂഹങ്ങൾക്കൊടുവിലാണ് താരം ഈ കാര്യം സ്ഥിരീകരിച്ചത്. നാല് വർഷം നീണ്ടു നിന്ന ദാമ്പത്യജീവിതമാണ് ഇരുവരും അവസാനിപ്പിച്ചത്.
2024 ഐപിഎൽ സീസണ്‍ മുതൽ തന്നെ ഇത്തരം അഭ്യൂഹങ്ങൾ പരന്നിരുന്നു. നടാഷ തൻ്റെ ഇൻസ്റ്റഗ്രാം അക്കൗണ്ടിൽ നിന്ന് ഹാർദ്ദിക് പാണ്ഡ്യയു‌ടെ ചിത്രങ്ങൾ കളഞ്ഞപ്പോൾ മുതലായിരുന്നു ആരാധകർക്കിടയിൽ ഈ സംശയം ഉടലെടുത്തത്. മാത്രമല്ല നടാഷ തൻ്റെ ഇൻസ്റ്റഗ്രാം പ്രൊഫൈലിൽ നിന്നും ഹാർദിക്കിൻ്റെ പേര് നീക്കം ചെയ്തിരുന്നു.
തങ്ങൾ പരസ്പരം വേർപിരിഞ്ഞതായും മകൻ അഗസ്ത്യയുമായി ഒരുമിച്ച് ഉണ്ടാകുമെന്നും പറഞ്ഞു. അവൻ്റെ സന്തോഷത്തിനായി ഞങ്ങളാൽ കഴിയുന്നതെല്ലാം അവനു നൽകുമെന്ന് ഉറപ്പാക്കാൻ ഞങ്ങൾ ഉണ്ടാകുമെന്നും പാണ്ഡ്യ പറഞ്ഞു. ഈ സമയത്ത് ഇരുവർക്കും ആവശ്യമായ സ്വകാര്യത നൽകുന്നതിന് എല്ലാവരുടെയും പിന്തുണ ആത്മാർത്ഥമായി അഭ്യർത്ഥിക്കുന്നതായും ഹാർദിക് കുറിച്ചു.
