![മലയാള സിനിമയിലെ ബിജു മേനോന്റെ 30 വർഷങ്ങൾ; ആഘോഷമാക്കി 'തലവൻ' അണിയറ പ്രവർത്തകർ](http://media.assettype.com/reporterlive%2F2024-05%2Fedc48174-d3bb-4e5a-8eb8-19dc2bbcffd6%2FThalavan_team_celebrated_30_years_of_Biju_Menon.jpg?w=480&auto=format%2Ccompress&fit=max)
1994 ൽ പുത്രൻ എന്ന സിനിമയിൽ നടനായി അരങ്ങേറ്റം കുറിച്ച നടൻ മലയാളത്തിന്റെ പ്രിയ ബിജു മേനോൻ തന്റെ കരിയറിലെ 30 വർഷങ്ങൾ പിന്നിടുകയാണ്. കൂടാതെ നടന്റെ ഏറ്റവും പുതിയ ചിത്രം ജിസ് ജോയ് ഒരുക്കുന്ന തലവൻ റിലീസിനൊരുങ്ങുകയുമാണ്. മെയ് 24ന് ചിത്രം തിയറ്ററുകളിലെത്തുമ്പോൾ ബിജു മേനനോന്റെ 30 വർഷങ്ങൾ ആഘോഷമാക്കുകയാണ് തലവൻ ടീം.
തലവനിലെ നായകൻ ആസിഫ് അലി, ജിസ് ജോയ്, നടി മിയ തുടങ്ങി സിനിമയുടെ പ്രധാന താരങ്ങളും അണിയറപ്രവർത്തകരും പങ്കെടുത്ത ആഘോഷത്തിയൽ ബിജു മേനോനെ പൊന്നാടയണിച്ച് ആദരിക്കുകയും കേക്ക് മുറിക്കുകയും ചെയ്തു. തുടർന്ന് തലവൻ സിനിമയുടെ വിശേഷങ്ങളും മാധ്യമ പ്രവർത്തകരോട് താരങ്ങൾ പങ്കുവെച്ചു.
1991ൽ ഈഗിൾ എന്ന ചിത്രത്തിൽ ഹോട്ടൽ റിസപ്ഷനിസ്റ്റ് ആയി മുഖം കാണിച്ചിട്ടുണ്ടെങ്കിലും 1994ൽ പുറത്തിറങ്ങിയ പുത്രൻ എന്ന സിനിമയാണ് ബിജു മേനോന്റെ നടൻ എന്ന നിലയിലുള്ള ആദ്യ ചിത്രം. ജൂഡ് അട്ടിപ്പേറ്റി സംവിധാനം ഈ ചിത്രത്തിലാണ് അദ്ദേഹം ആദ്യമായി നായകനായി അഭിനയിച്ചത്. അതിനുശേഷം നിരവധി ചിത്രങ്ങൾ അദ്ദേഹത്തിന്റേതായി പിറന്നു വീണു. പത്രം, മധുരനൊമ്പരക്കാറ്റ്, മഴ, മേരിക്കുണ്ടൊരു കുഞ്ഞാട്, വെള്ളിമൂങ്ങ, ഓർഡിനറി, അയ്യപ്പനും കോശിയും തുടങ്ങി ബിജു മേനോൻ എന്ന നടനെ മലയാളിയുടെ മനസിൽ പതിപ്പിച്ച എത്രയെത്ര സിനിമകൾ.
ജിസ് ജോയ് സംവിധാനം ചെയ്യുന്ന തലവൻ അടുത്ത ചിത്രം അരുൺ നാരായൺ പ്രൊഡക്ഷൻസിന്റെയും ലണ്ടൻ സ്റ്റുഡിയോസിന്റെയും ബാനറുകളിൽ അരുൺ നാരായൺ, സിജോ സെബാസ്റ്റ്യൻ എന്നിവർ നിർമ്മിക്കുന്നു. മലബാറിലെ നാട്ടിൻ പുറങ്ങളെ പ്രധാന പശ്ചാത്തലമാക്കി ഒരുക്കുന്ന ഇൻവെസ്റ്റിഗേറ്റീവ് ത്രില്ലറാണ്. അനുശ്രീ, മിയ, ദിലീഷ് പോത്തൻ, കോട്ടയം നസീർ, ശങ്കർ രാമകൃഷ്ണൻ, ജോജി കെ. ജോൺ, ദിനേശ്, അനുരൂപ്, നന്ദൻ ഉണ്ണി, ബിലാസ് എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
ശരത് പെരുമ്പാവൂർ, ആനന്ദ് തേവരക്കാട്ട് എന്നിവരാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്. സംഗീതം& പശ്ചാത്തലസംഗീതം - ദീപക് ദേവ്, ഛായാഗ്രഹണം - ശരൺ വേലായുധൻ. എഡിറ്റിംഗ് - സൂരജ് ഇ എസ്, കലാസംവിധാനം - അജയൻ മങ്ങാട്, സൗണ്ട് - രംഗനാഥ് രവി, മേക്കപ്പ് - റോണക്സ് സേവ്യർ, കോസ്റ്റ്യൂം - ജിഷാദ്, ചീഫ് അസ്റ്റോസ്സിയേറ്റ് ഡയറക്ടർ - സാഗർ, അസ്റ്റോസ്സിയേറ്റ് ഡയറക്ടേർസ് - ഫർഹാൻസ് പി ഫൈസൽ, അഭിജിത്ത് കെ എസ്, പ്രൊഡക്ഷൻ മാനേജർ - ജോബി ജോൺ, പ്രൊഡക്ഷൻ എക്സിക്യൂട്ടീവ് - ഷെമീജ് കൊയിലാണ്ടി, പ്രൊഡക്ഷൻ കൺട്രോളർ - ആസാദ് കണ്ണാടിക്കൽ, പി ആർ ഒ - വാഴൂർ ജോസ്, ആതിര ദിൽജിത്ത്, ഡിജിറ്റൽ മാർക്കറ്റിംഗ് - അനൂപ് സുന്ദരൻ.