!['മലർവാടി' കൂട്ടത്തിന്റെ 14 വർഷങ്ങൾ; എന്നും സ്പെഷ്യലെന്ന് നിവിൻ പോളി](http://media.assettype.com/reporterlive%2F2024-07%2F4b89e2e1-ab2a-4085-bcfb-7015e1dcd3cd%2F14%20years%20of%20Malarvadi%20Arts%20club%20movie%2C%20social%20media%20post.jpg?w=480&auto=format%2Ccompress&fit=max)
സൗഹൃദത്തിന്റെ കഥ പറഞ്ഞ വിനീത് ശ്രീനിവാസന്റെ ആദ്യ ചിത്രം 'മലർവാടി ആർട്ട്സ് ക്ലബ്' റിലീസ് ചെയ്തിട്ട് ഇന്നേക്ക് 14 വർഷം. 2010-ൽ പുറത്തിറങ്ങിയ ചിത്രത്തോടൊപ്പം മലയാള സിനിമയ്ക്ക് ലഭിച്ചത് ഒരു യുവ സംവിധായകനെയും ഒപ്പം ഒരുപിടി മികച്ച താരങ്ങളെയുമാണ്. വിനീതിനൊപ്പം മലർവാടിയുടെ 14 വർഷങ്ങളാഘോഷിക്കുകയാണ് ചിത്രത്തിലെ താരങ്ങളും.
ആദ്യത്തേത് എന്നും സ്പെഷ്യലായിരിക്കും. ജൂലൈ 16, മനസ് നിറയ്ക്കുന്ന ഗൃഹാതുരത്വവും കടപ്പാടും നിറഞ്ഞ കടന്ന പോയ യാത്രയിൽ ഈ ദിവസം അടയാളപ്പെടുത്തിയതാണ്. മലർവാടിയുടെ 14 വർഷങ്ങൾ. ഉയർച്ച താഴ്ചകൾക്കിടയിലും നിങ്ങളുടെ അചഞ്ചലമായ പിന്തുണയും സ്നേഹവുമാണ് ഓരോ വിജയത്തിനും പിന്നിലെ ചാലകശക്തി. എല്ലാവർക്കും നന്ദി, വിനീത് ശ്രീനിവാസനും, എന്നാണ് നിവിൻ പോളി സോഷ്യൽ മീഡിയയിൽ കുറിച്ചത്. അജു വർഗീസും വീനീത് ശ്രീനിവാസനും മലർവാടിയിലെ ചിത്രങ്ങൾ പങ്കുവെച്ചുകൊണ്ട് 14 വർഷങ്ങൾ എന്ന് കുറിച്ചിട്ടുണ്ട്.
ഒരു മ്യൂസിക്കൽ കോമഡി ചിത്രമാണ് മലർവാടി ആർട്ട്സ് ക്ലബ്. അഞ്ച് സുഹൃത്തുക്കളുടെ ഇടിയിലൂടെ കടന്ന പോകുന്ന ചിത്രത്തിലെ ഗാനങ്ങളെല്ലാം ഹിറ്റായിരുന്നു. മലർവാടിയിലെ പ്രധാന താരങ്ങളായത് നിവിൻ പോളി, അജു വർഗീസ്, ഭഗത് മാനുവൽ, ഹരികൃഷ്ണൻ, ഗീവർഗീസ് ഈപ്പൻ എന്നിവരാണ്. നെടുമുടി വേണുവും ചിത്രത്തിൽ പ്രധാന വേഷം കൈകാര്യം ചെയ്തിട്ടുണ്ട്.