![ബെർലിൻ ഫിലിം ഫെസ്റ്റിവെലിൽ നിന്ന് തിയേറ്ററിലേക്ക്; അന്ന ബെന്നിന്റെ 'കൊട്ടുകാലി' റിലീസ് പ്രഖ്യാപിച്ചു](http://media.assettype.com/reporterlive%2F2024-07%2Ff11ef4c8-b90d-4092-bc40-209585727849%2FFrom%20the%20Berlin%20Film%20Festival%20to%20Indian%20theater%20Anna%20Benn's%20'Kottukkaali%20'release%20announced%20(1).jpg?w=480&auto=format%2Ccompress&fit=max)
അന്ന ബെൻ, സൂരി എന്നിവർ പ്രധാന കഥാപാത്രങ്ങളിലെത്തിയ തമിഴ് ചിത്രം കൊട്ടുകാലി തിയേറ്റർ റിലീസിനൊരുങ്ങുന്നു. ബെർലിൻ ഫിലിം ഫെസ്റ്റിവെലിൽ നിരൂപക പ്രശംസ നേടി ശ്രദ്ധേയമായ ചിത്രം നിർമ്മിക്കുന്നത് ശിവകാർത്തികേയന്റെ നിർമ്മാണ കമ്പിനിയായ ശിവകാർത്തികേയൻ പ്രൊഡക്ഷൻസാണ്.
ചിത്രം ഓഗസ്റ്റ് 23-നാണ് ബിഗ് സ്ക്രീനിൽ റിലീസിനെത്തുക. കൊട്ടുകാലിയുടെ ആദ്യത്തെ ഇന്റർനാഷണൽ സ്റ്റേജായിരുന്നു കഴിഞ്ഞ മാസം ബെർലിനേലിൽ വെച്ച് നടന്നത്. ഫെസ്റ്റിവലിൽ ലോക സിനിമ വിഭാഗത്തിലാണ് കൊട്ടുകാലി പ്രദർശിപ്പിച്ചത്. ബെർലിനേലിലെത്തുന്ന ആദ്യ തമിഴ് ചിത്രം എന്ന പ്രത്യേകതയും ഈ സിനിമയ്ക്കുണ്ട്.
പി എസ് വിനോദ് രാജാണി ചിത്രത്തിന്റെ സംവിധാനം. വിനോദ് രാജിന്റെ ആദ്യ ചിത്രമായ 'കൂഴാങ്കൽ' ഇന്ത്യയിൽ നിന്ന് 94-ാമത് ഓസ്കറിൽ പ്രവേശനം നേടിയിരുന്നു. കൂടാതെ റോട്ടർഡാം ഫിലിം ഫെസ്റ്റിവലിൽ ചിത്രത്തിന് ടൈഗർ പുരസ്കാരവും ലഭിച്ചിരുന്നു.