Get the latest news at
your fingertips!
Download our app now
LIVE TV
Search
കാൻബറ: വെസ്റ്റ് ഇൻഡീസിനെതിരായ ഏകദിന പരമ്പര തൂത്തുവാരി ഓസ്ട്രേലിയ. മൂന്നാം ഏകദിനത്തിൽ വിൻഡീസിനെ എട്ട് വിക്കറ്റിന് തകർത്താണ് ഓസീസ് സമ്പൂർണ്ണ വിജയം നേടിയത്. ആദ്യം ബാറ്റ് ചെയ്ത വിൻഡീസ് 24.1 ഓവറിൽ വെറും 86 റൺസിന് ഓൾ ഔട്ടായി. മറുപടി ബാറ്റിംഗിൽ ലക്ഷ്യം മറികടക്കാൻ ഓസീസിന് 6.5 ഓവർ മാത്രമെ വേണ്ടിവന്നുള്ളു. എട്ട് വിക്കറ്റ് ജയമാണ് ഓസ്ട്രേലിയ സ്വന്തമാക്കിയത്.
മത്സരത്തിൽ ടോസ് നേടിയ ഓസീസ് ബൗളിംഗ് തിരഞ്ഞെടുത്തു. 32 റൺസെടുത്ത ഓപ്പണർ അലിക്ക് അത്നാസെയാണ് വിൻഡീസ് ടോപ് സ്കോറർ. റോസ്റ്റൺ ചെയ്സ് 12ഉം കീസി കാര്ട്ടി 10ഉം റൺസെടുത്ത് പുറത്തായി. വിൻഡീസ് നിരയിൽ മറ്റാർക്കും രണ്ടക്കം കടക്കാൻ പോലും സാധിച്ചില്ല. ഓസ്ട്രേലിയയ്ക്കായി സേവ്യർ ബാർട്ട്ലെറ്റ് നാല് വിക്കറ്റ് വീഴ്ത്തി.
39ലും കിതക്കാതെ, പ്രതിഭയുടെ നെറുകയിൽ; ക്രിസ്റ്റ്യാനോ റൊണാൾഡോയ്ക്ക് പിറന്നാൾവിജയലക്ഷ്യത്തിലേക്ക് ഓസ്ട്രേലിയൻ ബാറ്റർമാർ അനായാസം മുന്നേറി. ഓപ്പണർ ജെയ്ക് ഫ്രേസര് 18 പന്തിൽ അഞ്ച് ഫോറും മൂന്ന് സിക്സും സഹിതം 41 റൺസെടുത്തു. അൻസാരി ജോസഫാണ് ഫ്രേസറെ പുറത്താക്കിയത്. സഹഓപ്പണർ ജോഷ് ഇംഗ്ലീസ് 35 റൺസുമായി പുറത്താകാതെ നിന്നു. ആരോൺ ഹാർഡ്ലി രണ്ട് റൺസുമായി മടങ്ങി. എന്നാൽ നായകൻ സ്റ്റീവ് സ്മിത്ത് ആറ് റൺസുമായി ഇംഗ്ലീസിനൊപ്പം വിജയത്തിലേക്ക് ബാറ്റ് വെച്ചു.
