Get the latest news at
your fingertips!
Download our app now
LIVE TV
Search
ഡൽഹി: ജൂണിൽ നടക്കുന്ന ട്വന്റി 20 ലോകകപ്പിന് മുമ്പ് ഇന്ത്യൻ ക്രിക്കറ്റ് ആരാധകർക്ക് നിരാശപകരുന്ന വാർത്തയാണ് പുറത്തുവരുന്നത്. സൂപ്പർ താരം വിരാട് കോഹ്ലിയെ ടീമിൽ നിന്നൊഴിവാക്കാൻ ബിസിസിഐ തയ്യാറെടുക്കുന്നു. 2022ലെ ട്വന്റി 20 ലോകകപ്പിൽ ഇന്ത്യൻ ടീമിൽ മികച്ച പ്രകടനം പുറത്തെടുത്ത താരമാണ് കോഹ്ലി. എങ്കിലും ട്വന്റി 20 ക്രിക്കറ്റിന് അനുയോജ്യമായ സാങ്കേതികത്തികവ് കോഹ്ലിക്ക് ഇപ്പോൾ ഇല്ലെന്നാണ് ബിസിസിഐ വിലയിരുത്തൽ.
ബാറ്റിംഗ് ശൈലിയിൽ മാറ്റം വരുത്തണമെന്ന് ഇന്ത്യൻ ക്രിക്കറ്റിന്റെ മുഖ്യസിലക്ടർ അജിത് അഗാർക്കർ കോഹ്ലിയെ അറിയിച്ചിരുന്നു. ഇതുപ്രകാരം അഫ്ഗാനിസ്ഥാനെതിരായ പരമ്പരയിൽ താരം തന്റെ ബാറ്റിംഗ് രീതി മാറ്റിയിരുന്നു. എങ്കിലും ഒരു മത്സരത്തിൽ നേടിയ 29 റൺസ് മാത്രമാണ് ഉയർന്ന സ്കോർ. പിന്നാലെ യുവതാരങ്ങൾക്ക് വഴിയൊരുക്കാൻ അഗാർക്കർ കോഹ്ലിയോട് ആവശ്യപ്പെട്ടു.
ട്വന്റി 20 ലോകകപ്പില് വിരാട് കോഹ്ലിയെ ഒഴിവാക്കിയേക്കും; കടുത്ത തീരുമാനത്തിന് ബിസിസിഐഇത്തവണത്തെ ഐപിഎൽ അടിസ്ഥാനമാക്കിയാവും ട്വന്റി 20 ലോകകപ്പിന് ഇന്ത്യൻ ടീമിനെ തിരഞ്ഞെടുക്കുക. ഐപിഎല്ലിനായി ഇതുവരെയും റോയൽ ചലഞ്ചേഴ്സ് ക്യാമ്പിനൊപ്പം കോഹ്ലി ചേർന്നിട്ടുമില്ല. സീസണിലെ സ്കോറിംഗിനും അപ്പുറം ബാറ്റിംഗ് സാങ്കേതികത്വം ശരിയാക്കാൻ കോഹ്ലിക്ക് കഴിയണം. അല്ലാത്ത പക്ഷം സൂര്യകുമാർ യാദവ്, റിങ്കു സിംഗ്, തിലക് വർമ്മ എന്നിവരിലൊരാൾ കോഹ്ലിയുടെ സ്ഥാനത്തേയ്ക്ക് പരിഗണിക്കപ്പെടും.
