ടോട്ടനത്തെ വീഴ്ത്തി; പ്രീമിയര് ലീഗില് വിജയവഴിയില് തിരിച്ചെത്തി ലിവര്പൂള്

മുഹമ്മദ് സലാ റെഡ്സിന് വേണ്ടി ആദ്യ ഗോള് നേടി

റിപ്പോർട്ടർ നെറ്റ്‌വര്‍ക്ക്‌

1 min read|06 May 2024, 07:14 am

ലണ്ടന്: ഇംഗ്ലീഷ് പ്രീമിയര് ലീഗില് വിജയവഴിയില് തിരിച്ചെത്തി ലിവര്പൂള്. ആന്ഫീല്ഡില് വെസ്റ്റ് ഹാമിനെതിരെ നടന്ന മത്സരത്തില് രണ്ടിനെതിരെ നാല് ഗോളുകളുടെ തകര്പ്പന് വിജയമാണ് റെഡ്സ് സ്വന്തമാക്കിയത്. ഒരു പരാജയത്തിനും സമനിലയ്ക്കും ശേഷമുള്ള ലിവര്പൂള് വിജയമാണിത്.

Victory at Anfield 🙌 #LIVTOT pic.twitter.com/dKtJ35fjAu
— Liverpool FC (@LFC) May 5, 2024

സ്വന്തം തട്ടകത്തില് നടന്ന മത്സരത്തില് ലിവര്പൂളാണ് ആദ്യം ലീഡെടുത്തത്. 16-ാം മിനിറ്റില് മുഹമ്മദ് സലാ ചെമ്പടയ്ക്ക് വേണ്ടി ആദ്യ ഗോള് നേടി. സീസണില് സലായുടെ 25-ാം ഗോളാണിത്. ആദ്യ പകുതിയുടെ അവസാനം ആന്ഡ്രൂ റോബേര്ട്സണിലൂടെ ലീഡ് ഇരട്ടിയാക്കാന് ലിവര്പൂളിന് സാധിച്ചു.

ഫൈവ് സ്റ്റാര് ചെല്സി; വെസ്റ്റ് ഹാമിനെതിരെ വമ്പന് വിജയം, യുണൈറ്റഡിനെ മറികടന്ന് ഏഴാമത്

50-ാം മിനിറ്റില് കോഡി ഗാക്പോയിലൂടെയും 59-ാം മിനിറ്റില് ഹാര്വേ എല്ലിയോട്ടിലൂടെയും ലിവര്പൂള് സ്കോര് നാലാക്കി ഉയര്ത്തി. എന്നാല് പിന്നീട് ടോട്ടനം തിരിച്ചടിച്ചു. 72-ാം മിനിറ്റില് റിച്ചാര്ലിസണും 77-ാം മിനിറ്റില് സണ് ഹ്യൂങ്-മിനും ലക്ഷ്യം കണ്ടെങ്കിലും വിജയം സ്വന്തമാക്കാനായില്ല.

സീസണില് ലിവര്പൂളിന്റെ 23-ാം വിജയമാണിത്. വിജയത്തോടെ റെഡ്സിന് 36 മത്സരങ്ങളില് നിന്ന് 78 പോയിന്റായി. പോയിന്റ് പട്ടികയില് മൂന്നാം സ്ഥാനത്ത് തന്നെ തുടരുകയാണ് ലിവര്പൂള്.