അശ്വിന്റെ ഏറ്റവും മികച്ച ഐപിഎൽ ടീം; രാജസ്ഥാൻ റോയൽസ് സഹതാരത്തിന് ഇടമില്ല

നാല് താരങ്ങൾ മുംബൈ ഇന്ത്യൻസിൽ നിന്ന് അശ്വിന്റെ മികച്ച ടീമിൽ ഉൾപ്പെടുന്നു

റിപ്പോർട്ടർ നെറ്റ്‌വര്‍ക്ക്‌

1 min read|30 Aug 2024, 04:23 pm

ഇന്ത്യൻ പ്രീമിയർ ലീഗിലെ എക്കാലത്തെയും മികച്ച ടീമിനെ തിരഞ്ഞെടുത്തിരിക്കുകയാണ് ഇന്ത്യൻ ക്രിക്കറ്റ് താരം രവിചന്ദ്രൻ അശ്വിൻ. ചെന്നൈ സൂപ്പർ കിംഗ്സ് മുൻ നായകൻ മഹേന്ദ്ര സിംഗ് ധോണിയെയാണ് അശ്വിൻ എക്കാലത്തെയും മികച്ച ക്യാപ്റ്റനായി തിരഞ്ഞെടുത്തിരിക്കുന്നത്. നാല് താരങ്ങൾ മുംബൈ ഇന്ത്യൻസിൽ നിന്നും അശ്വിന്റെ മികച്ച ടീമിൽ ഉൾപ്പെടുന്നു.

രണ്ട് താരങ്ങൾ വീതം ചെന്നൈ സൂപ്പർ കിംഗ്സിൽ നിന്നും രണ്ട് താരങ്ങൾ റോയൽ ചലഞ്ചേഴ്സ് ബെംഗളൂരുവിൽ നിന്നും അശ്വിന്റെ ടീമിൽ ഉൾപ്പെട്ടു. എന്നാൽ രാജസ്ഥാൻ റോയൽസിൽ അശ്വിന്റെ സഹതാരമായ സഞ്ജു സാംസണ് ടീമിൽ ഇടമില്ല. കൊൽക്കത്ത നൈറ്റ് റൈഡേഴ്സ്, സൺറൈസേഴ്സ് ഹൈദരാബാദ് ടീമിലെ താരങ്ങളും അശ്വിന്റെ ടീമിൽ ഇടമുണ്ട്.

ബുദ്ധിമുട്ടിച്ച ബാറ്ററോ? അതിന് ഞാനാരേയും അനുവദിക്കാറില്ലല്ലോ!

അശ്വിൻ തിരഞ്ഞെടുത്ത എക്കാലത്തെയും മികച്ച ഐപിഎൽ ടീം: രോഹിത് ശർമ്മ (മുംബൈ ഇന്ത്യൻസ്), വിരാട് കോഹ്ലി (റോയൽ ചലഞ്ചേഴ്സ് ബെംഗളൂരു), സുരേഷ് റെയ്ന (ചെന്നൈ സൂപ്പർ കിംഗ്സ്), സൂര്യകുമാർ യാദവ് (മുംബൈ ഇന്ത്യൻസ്), എ ബി ഡിവില്ലിയേഴ്സ് (റോയൽ ചലഞ്ചേഴ്സ് ബെംഗളൂരു), എം എസ് ധോണി (ക്യാപ്റ്റൻ, വിക്കറ്റ് കീപ്പർ - ചെന്നൈ സൂപ്പർ കിംഗ്സ്), സുനിൽ നരേയ്ൻ (കൊൽക്കത്ത നൈറ്റ് റൈഡേഴ്സ്), റാഷിദ് ഖാൻ (സൺറൈസേഴ്സ് ഹൈദരാബാദ്/ഗുജറാത്ത് ടൈറ്റൻസ്), ഭുവന്വേശർ കുമാർ (സൺറൈസേഴ്സ് ഹൈദരാബാദ്), ജസ്പ്രീത് ബുംറ (മുംബൈ ഇന്ത്യൻസ്), ലസീത് മലിംഗ (മുംബൈ ഇന്ത്യൻസ്).