LIVE TV
സ്പാനിഷ് ഫുട്ബോൾ ലീഗിൽ ഇരട്ട ഗോളുമായി റയൽ മാഡ്രിഡ് താരം കിലിയൻ എംബാപ്പെ. ഫ്രാൻസ് താരത്തിന്റെ ഇരട്ട ഗോളിൽ റയൽ മാഡ്രിഡ് റയൽ ബെറ്റീസിനെ പരാജയപ്പെടുത്തി. എതിരില്ലാത്ത രണ്ട് ഗോളിന് മത്സരം വിജയിച്ച റയൽ മാഡ്രിഡ് പോയിന്റ് ടേബിളിൽ രണ്ടാം സ്ഥാനത്തേയ്ക്ക് ഉയർന്നു.
ലാ ലീഗ സീസണിലെ ആദ്യ മൂന്ന് മത്സരങ്ങളിലും ഗോൾ നേടാൻ എംബാപ്പെയ്ക്ക് കഴിഞ്ഞിരുന്നില്ല. ഇതിൽ ഒരു ജയവും രണ്ട് സമനിലയുമായിരുന്നു മത്സരഫലങ്ങൾ. പോയിന്റ് ടേബിളിൽ ആറാം സ്ഥാനത്തായിരുന്നു റയൽ. എന്നാൽ ഒരൊറ്റ മത്സരത്തിലെ വിജയത്തോടെയാണ് റയൽ പോയിന്റ് ടേബിളിൽ കുതിപ്പ് നടത്തിയിരിക്കുന്നത്.
ഇംഗ്ലീഷ് പ്രീമിയർ ലീഗ്; മാഞ്ചസ്റ്റർ യുണൈറ്റഡിനെ തകർത്ത് ലിവർപൂൾസ്പാനിഷ് ലീഗിൽ ഇന്നലെ നടന്ന മറ്റുമത്സരങ്ങളിൽ ജിറോണ എഫ് സി എതിരില്ലാത്ത രണ്ട് ഗോളുകൾക്ക് സെവിയ്യയെ തടഞ്ഞു. റയൽ സോയിദദ് ഗറ്റാഫെ മത്സരം ഗോൾരഹിത സമനിലയിൽ അവസാനിച്ചു. സെൽറ്റ വിയാഗോയെ രണ്ടിനെതിരെ മൂന്ന് ഗോളുകൾക്ക് ഒസാസുന പരാജയപ്പെടുത്തി. ലാസ് പാൽമസിനെ എതിരില്ലാത്ത രണ്ട് ഗോളിന് പരാജയപ്പെടുത്തി അൽവെസും വിജയം ആഘോഷിച്ചു.
