Get the latest news at
your fingertips!
Download our app now
LIVE TV
Search
കേരളാ ക്രിക്കറ്റ് ലീഗിൽ വമ്പൻ ജയവുമായി അദാനി ട്രിവാന്‍ഡ്രം റോയല്‍സ്. ഫിനെസ് തൃശൂര്‍ ടൈറ്റന്‍സിനെതിരെ എട്ട് വിക്കറ്റിന്റെ വിജയമാണ് ട്രിവാൻഡം സംഘം സ്വന്തമാക്കിയത്. ആദ്യം ബാറ്റ് ചെയ്ത തൃശൂര്‍ 20 ഓവറില്‍ ആറ് വിക്കറ്റ് നഷ്ടത്തിൽ 129 റൺസെടുത്തു. മറുപടി ബാറ്റിങ്ങിൽ വിജയത്തിലേക്ക് എത്താൻ ട്രിവാൻഡ്രം റോയൽസിന് 17.5 ഓവറും രണ്ട് വിക്കറ്റും മാത്രമെ ആവശ്യമായി വന്നുള്ളു.
മത്സരത്തിൽ ടോസ് വിജയിച്ച ട്രിവാൻഡ്രം റോയൽസ് തൃശൂരിനെ ബാറ്റിങ്ങിനയച്ചു. 38 റൺസിനിടെ തൃശൂരിന്റെ മൂന്നു വിക്കറ്റ് നഷ്ടമായി. 38 പന്തില്‍നിന്ന് 28 റണ്‍സെടുത്ത ക്യാപ്റ്റൻ വരുൺ നായരും 21 പന്തില്‍ പുറത്താകാതെ 35 റണ്‍സെടുത്ത് ടോപ് സ്കോററായ അക്ഷയ് മനോഹറിന്റെയും ഇന്നിംഗ്സുകളാണ് തൃശൂരിനെ ഭേദപ്പെട്ട സ്കോറിൽ എത്തിച്ചത്. ട്രിവാൻഡ്രത്തിനായി ക്യാപ്റ്റന്‍ അബ്ദുള്‍ ബാസിത് നാല് ഓവറില്‍ 23 റണ്‍സ് വിട്ടുകൊടുത്ത് രണ്ടു വിക്കറ്റ് സ്വന്തമാക്കി.
ട്രിവാൻഡ്രത്തിന്റെ മറുപടിയിൽ എം എസ് അഖില്‍ പുറത്താകാതെ 37 പന്തില്‍ നിന്നു നേടിയ 54 റണ്‍സ് നേടി ടോപ് സ്കോററായി. ഗോവിന്ദ് പൈ 23 പന്തില്‍ നിന്നു പുറത്താകാതെ 30 റണ്‍സും നേടി. 26 പന്തില്‍ നിന്ന് 22 റണ്‍സ് നേടിയ റിയാ ബഷീർ, 22 പന്തില്‍ നിന്ന് 21 റണ്‍സ് നേടിയ എസ് സുബിൻ എന്നിവരും നിർണായക സംഭാവനകൾ നൽകി.
