Get the latest news at
your fingertips!
Download our app now
LIVE TV
Search
ദുലീപ് ട്രോഫി ക്രിക്കറ്റ് ടൂർണമെന്റിൽ തന്റെ ബാറ്റിങ് വിസ്മയം പുറത്തെടുത്ത് മലയാളി താരം സഞ്ജു സാംസൺ. ഇന്ത്യ ബിയ്ക്കെതിരായ മത്സരത്തിൽ ഇന്ത്യ ഡിയുടെ താരമായ സഞ്ജു 83 പന്തിൽ 89 റൺസുമായി ക്രീസിൽ തുടരുകയാണ്. 10 ഫോറും മൂന്ന് സിക്സും ഉൾപ്പെടുന്നതാണ് സഞ്ജുവിന്റെ ഇന്നിംഗ്സ്. എന്നാൽ ഇന്ത്യ ഡി നായകൻ ശ്രേയസ് അയ്യർ വീണ്ടും നിരാശപ്പെടുത്തി. റൺസൊന്നും നേടാനാകാതെ ശ്രേയസ് അയ്യർ പുറത്തായി. ആദ്യ ദിനം മത്സരം നിർത്തുമ്പോൾ ഇന്ത്യ ഡി അഞ്ചിന് 306 റൺസെന്ന നിലയിലാണ്.
മത്സരത്തിൽ ടോസ് നേടിയ ഇന്ത്യ ബി ബൗളിംഗ് തിരഞ്ഞെടുത്തു. ഇന്ത്യ ഡിയ്ക്കായി കർണാടകയുടെ മലയാളി താരം ദേവ്ദത്ത് പടിക്കൽ 50 റൺസുമായും ശ്രീകർ ഭരത് 52 റൺസുമായും ആദ്യ വിക്കറ്റിൽ മികച്ച പ്രകടനം പുറത്തെടുത്തു. മൂന്നാമനായി ഇറങ്ങിയ റിക്കി ബുയി 53 റൺസുമായി നിർണായക സംഭാവന നൽകി.
സഞ്ജു ക്രീസിലെത്തുമ്പോൾ ഇന്ത്യ ഡി മൂന്നിന് 173 എന്ന ഭേദപ്പെട്ട സ്കോറിലായിരുന്നു. പിന്നാലെ നിഷാന്ത് സിന്ദു 19 റൺസോടെയും ശ്രേയസ് അയ്യർ റൺസൊന്നും എടുക്കാതെയും പുറത്തായി. ഇതോടെ ഇന്ത്യ ഡിയുടെ സ്കോർ അഞ്ചിന് 216 റൺസെന്ന നിലയിലായി. സഞ്ജുവിന് പിന്തുണ നൽകിയ സർനാഷ് ജെയിൻ 26 റൺസോടെ ക്രീസിലുണ്ട്. ഇന്ത്യ ബിയ്ക്കായി രാഹുൽ ചഹൽ മൂന്ന് വിക്കറ്റുകൾ വീഴ്ത്തി.
