Get the latest news at
your fingertips!
Download our app now
LIVE TV
Search
ബംഗ്ലാദേശിനെതിരായ ടെസ്റ്റ് പരമ്പരയിലൂടെ തിരിച്ചുവരവ് ഗംഭീരമാക്കിയിരിക്കുകയാണ് ഇന്ത്യന്‍ സ്റ്റാര്‍ പേസര്‍ ജസ്പ്രീത് ബുംറ. ഇന്ത്യയെ 376 റണ്‍സിന് ഓള്‍ഔട്ടാക്കിയ ബംഗ്ലാദേശിന് ബുംറ തുടക്കത്തില്‍ തന്നെ പ്രഹരമേല്‍പ്പിച്ചിരിക്കുകയാണ്. സ്‌കോര്‍ ബോര്‍ഡില്‍ വെറും രണ്ട് റണ്‍സ് മാത്രമുള്ളപ്പോള്‍ ഓപണര്‍ ഷദ്മാന്‍ ഇസ്ലാമിനെ പുറത്താക്കി ഇന്ത്യയുടെ വിക്കറ്റ് വേട്ടയ്ക്ക് ബുംറ തുടക്കം കുറിച്ചു.
ബംഗ്ലാദേശ് ഇന്നിങ്‌സിന്റെ ആദ്യ ഓവറിലെ അവസാന പന്തിലാണ് ഷദ്മാന്‍ ഇസ്ലാമിനെ (2) ജസ്പ്രീത് ബുംറ ക്ലീന്‍ ബൗള്‍ഡാക്കിയത്. ആദ്യത്തെ അഞ്ച് പന്തുകളും എറൗണ്ട് ദ വിക്കറ്റിലെറിഞ്ഞ ബുംറ ഓവറിലെ അവസാന പന്ത് ഓവര്‍ ദ വിക്കറ്റിലെറിഞ്ഞു. ഇടംകൈയ്യനായ ഷദ്മാന്‍ അകത്തേക്ക് സ്വിങ് ചെയ്തതോടെ പാഡിലുരസി പന്ത് ബെയില്‍സ് ഇളക്കി.
What a peach by Jasprit Bumrah to remove Shadman Islam 🥶
— Farid Khan (@_FaridKhan) September 20, 2024
This is how you set up a batter in the first over of the innings 🇮🇳🔥#INDvBAN #tapmad #DontStopStreaming pic.twitter.com/9UtDrb0AJg
ബുംറ എറിഞ്ഞ പന്ത് സ്വിങ് ചെയ്ത് പുറത്തേക്ക് പോകുമെന്ന് കരുതിയാണ് ഷദ്മാന്‍ ബോള്‍ വിട്ടത്. എന്നാല്‍ കൃത്യമായി ആംഗിള്‍ ചെയ്തുവന്ന പന്ത് ഷദ്മാന്റെ ഓഫ് സ്റ്റംപ് തെറിപ്പിച്ചു. ബംഗ്ലാദേശ് ഓപ്പണറുടെ കിളി പറത്തിയ വിക്കറ്റിന്റെ വീഡിയോ ആരാധകര്‍ ഏറ്റെടുത്തുകഴിഞ്ഞു.
Boom Boom Bumrah 🎇
— BCCI (@BCCI) September 20, 2024
Cleans up Shadman Islam with a peach of a delivery.
Live - https://t.co/jV4wK7BgV2… #INDvBAN@IDFCFIRSTBank | @Jaspritbumrah93 pic.twitter.com/RYi9AX30eA
പിന്നീട് 13-ാം ഓവറില്‍ ബുംറ തന്റെ രണ്ടാമത്തെ വിക്കറ്റും സ്വന്തമാക്കി. അഞ്ചാമനായി ക്രിസീലെത്തിയ മുഷ്ഫിഖുര്‍ റഹീമിനെ (8) ബുംറ കെ എല്‍ രാഹുലിന്റെ കൈകളിലെത്തിക്കുകയായിരുന്നു. നിലവില്‍ 15 ഓവര്‍ പിന്നിടുമ്പോള്‍ ബംഗ്ലാദേശ് അഞ്ച് വിക്കറ്റ് നഷ്ടത്തില്‍ 53 റണ്‍സെന്ന നിലയിലാണ്.
