Get the latest news at
your fingertips!
Download our app now
LIVE TV
Search
ബംഗ്ലാദേശിനെതിരായ ടെസ്റ്റ് പരമ്പരയിലെ ആദ്യ മത്സരത്തില്‍ 280 റണ്‍സിന്‍റെ ആധികാരിക വിജയം സ്വന്തമാക്കിയിരിക്കുകയാണ് ടീം ഇന്ത്യ. ചെപ്പോക്കില്‍ നടന്ന മത്സരത്തില്‍ ബംഗ്ലാദേശിനെതിരെ റിഷഭ് പന്ത് പുറത്തെടുത്ത പ്രകടനം ഇന്ത്യയ്ക്ക് നിര്‍ണായകമായിരുന്നു. ടെസ്റ്റിലെ രണ്ടാം ഇന്നിങ്‌സില്‍ ഇന്ത്യയുടെ മുന്‍നിര തകര്‍ന്നടിഞ്ഞ സാഹചര്യത്തില്‍ ക്രീസിലെത്തിയ റിഷഭ് പന്തിന്റെയും ശുഭ്മന്‍ ഗില്ലിന്റെയും സെഞ്ച്വറികളാണ് ടീമിനെ മുന്നോട്ട് നയിച്ചത്. കാറപടത്തെ തുടര്‍ന്നുണ്ടായ പരിക്കിനു ശേഷം ആദ്യമായിട്ട് ഇന്ത്യയുടെ ടെസ്റ്റ് കുപ്പായത്തിലിറങ്ങിയ യുവ വിക്കറ്റ് കീപ്പര്‍ ബാറ്റര്‍ പന്ത് സെഞ്ച്വറിയോടെ മടങ്ങിവരവ് ആഘോഷമാക്കുകയായിരുന്നു. പന്തിന്റെ ബാറ്റിങ്ങിനിടെ ഇന്ത്യയുടെ ഡ്രസിങ് റൂമിലുണ്ടായ രസകരമായ സംഭവം ഇപ്പോള്‍ വൈറലാവുകയാണ്.
സെഞ്ച്വറിയിലെത്തുന്നതിന് മുന്‍പെ റിഷഭ് പന്തിനെ പുറത്താക്കാനുള്ള സുവര്‍ണാവസരം ബംഗ്ലാദേശ് നായകന്‍ നജ്മുല്‍ ഹുസൈന്‍ ഷാന്റോ കളഞ്ഞുകുളിച്ചിരുന്നു. വ്യക്തിഗത സ്‌കോര്‍ 72 റണ്‍സില്‍ നില്‍ക്കെ ഷാക്കിബ് അല്‍ ഹസന്റെ പന്തില്‍ ഇന്ത്യന്‍ താരം നല്‍കിയ ക്യാച്ച് നജ്മുല്‍ ഹുസൈന്‍ ഷാന്റോ അവിശ്വസനീയമായി നിലത്തിടുകയായിരുന്നു.
Pant gets a reprieve as Shanto drops the catch.#INDvBAN #CricketTwitter pic.twitter.com/YuTv47b3pO
— Pushkar Pushp (@ppushp7) September 21, 2024
ഇതിനിടെ പന്ത് ഔട്ടാവുമെന്ന് ഉറപ്പിച്ച് അടുത്തതായി ബാറ്റിങ്ങിനിറങ്ങാനിരുന്ന കെ എല്‍ രാഹുല്‍ ഉടനെ കസേരയില്‍ നിന്ന് എഴുന്നേറ്റു. എന്നാല്‍ ക്യാച്ച് ബംഗ്ലാദേശ് നായകന്‍ കൈവിട്ടതുകണ്ടതോടെ രാഹുല്‍ ഒരു ചമ്മലോടെ കസേരയില്‍ തന്നെ ഇരുന്നു. രസകരമായ സംഭവത്തിന്റെ വീഡിയോ സോഷ്യല്‍ മീഡിയയില്‍ വൈറലാണ്.
Thalaivan recreated my instinct in street cricket 🤣🤝🏻🤍#KLRahul #IndVsBan pic.twitter.com/P6GiaR02cb
— Suحail from Social Media🌐 (@KS96Suhail) September 21, 2024
Jab rishabh pant ki catch hawa me gyi to kl rahul ko laga out aur wo seat se khade hoke ane lag gye lekin catch chhut gyi aur unko phir se chair par baithna pada jaha siraj bhi has rhe the 😅#INDvBAN #RishabhPant #KLRahul pic.twitter.com/e13Xb5BjP6
— CRICUU (@CRICUUU) September 21, 2024
സെഞ്ച്വറി നേടിയതിന് പിന്നാലെ റിഷഭ് പന്ത് പുറത്തായിരുന്നു. 128 പന്തില്‍ നാല് സിക്സും 13 ബൗണ്ടറിയും സഹിതം 109 റണ്‍സ് അടിച്ചുകൂട്ടിയ പന്തിനെ മെഹിദി ഹസന്‍ സ്വന്തം പന്തില്‍ പിടികൂടുകയായിരുന്നു. ടീം സ്‌കോര്‍ 230 കടത്തി 56-ാം ഓവറിലാണ് പന്ത് പുറത്തായത്. പന്തിന് പിന്നാലെ ക്രീസിലെത്തിയ രാഹുല്‍ 19 പന്തില്‍ പുറത്താകാതെ 22 റണ്‍സെടുത്തു.
