Get the latest news at
your fingertips!
Download our app now
LIVE TV
Search
സ്വപ്നസമാനമായ കുതിപ്പ് തുടർന്ന് സനത് ജയസൂര്യ കോച്ചായതിനു ശേഷമുള്ള ലങ്കൻ ടീം. കിവികൾക്കെതിരായ രണ്ടാം ടെസ്റ്റ് മത്സരത്തിലും വമ്പൻ വിജയം സ്വന്തമാക്കിയിരിക്കുകയാണ് ശ്രീലങ്ക. മത്സരത്തിൽ ഒരു ഇന്നിംഗ്സിന്റെയും 154 റൺസിന്റെയും വിജയമാണ് ശ്രീലങ്കൻ ടീം സ്വന്തമാക്കിയത്. നേരത്തെ പരമ്പരയിലെ ആദ്യ മത്സരത്തിലും കിവികൾക്കെതിരെ മികച്ച വിജയം സ്വന്തമാക്കാൻ ശ്രീലങ്കയ്ക്ക് സാധിച്ചിരുന്നു. ഇതോടെ 2-0 എന്ന നിലയിൽ പരമ്പര സ്വന്തമാക്കുകയും ചെയ്തു ലങ്കൻ നിര.
വെറും 88 റൺസിനാണ് ന്യൂസിലൻഡ് ബാറ്റർമാർ ഒന്നാം ഇന്നിംഗ്സിൽ ഓൾ ഔട്ടായത്. ശ്രീലങ്കയുടെ ഒന്നാം ഇന്നിംഗ്സ് സ്കോറായ അഞ്ചിന് 602നോട് 514 റൺസ് പിന്നിലായിരുന്നു ന്യൂസിലൻഡ്. പിന്നാലെ ശ്രീലങ്ക ന്യൂസിലൻഡിനെ ഫോളോ ഓണിന് അയക്കുകയും ചെയ്തു.
തങ്ങളുടെ രണ്ടാം ഇന്നിങ്സിൽ പരമാവധി ന്യൂസിലാൻഡ് ശ്രമിച്ചെങ്കിലും കൃത്യമായ ഇടവേളകളിൽ വീണ്ടും വിക്കറ്റ് നഷ്ടമായി. രണ്ടാം ഇന്നിങ്സിൽ കോൺവേ, ടോം ബ്ലൻഡൽ, ഗ്ലെൻ ഫിലിപ്സ്, മിച്ചൽ സാന്റ്നർ എന്നിവർ ഫിഫ്റ്റി നേടിയെങ്കിലും ന്യൂസിലാൻഡിന്റെ രണ്ടാം ഇന്നിങ്സ് 360 റൺസിൽ അവസാനിക്കുകയായിരുന്നു.
