Get the latest news at
your fingertips!
Download our app now
LIVE TV
Search
ശ്രീലങ്കയ്ക്കെതിരായ ഏകദിന, ട്വന്റി 20 പരമ്പരയ്ക്കുള്ള വെസ്റ്റ് ഇൻഡീസ് ടീമിനെ പ്രഖ്യാപിച്ചു. ആന്ദ്രെ റസ്സൽ, നിക്കോളാസ് പുരാൻ, ഷിമ്രോൺ ഹെറ്റ്മയർ എന്നിവർ ഇല്ലാതെയാണ് വിൻഡീസ് ടീമിനെ പ്രഖ്യാപിച്ചിരിക്കുന്നത്. ശ്രീലങ്കൻ പരമ്പരയിൽ വിൻഡീസ് ടീമിന്റെ കരുത്ത് പരിശോധിക്കാനും വ്യത്യസ്ത സാഹചര്യങ്ങളിലെ താരങ്ങളുടെ മികവ് അറിയാനും പുതിയ ടീമിന് കഴിയുമെന്ന് പരിശീലകൻ ഡാരൻ സാമി പ്രതീക്ഷ പ്രകടിപ്പിച്ചു. ശ്രീലങ്കയിൽ മികച്ച പ്രകടനം വിൻഡീസ് ടീമിന് നടത്താൻ കഴിയുമെന്നും സാമി പറഞ്ഞു.
ഒക്ടോബർ 13 മുതലാണ് വെസ്റ്റ് ഇൻഡീസും ശ്രീലങ്കയും തമ്മിലുള്ള ട്വന്റി 20 പരമ്പരയ്ക്ക് തുടക്കമാകുന്നത്. മൂന്ന് മത്സരങ്ങളാണ് പരമ്പരയിലുള്ളത്. പിന്നാലെ ഒക്ടോബർ 20 മുതൽ മൂന്ന് മത്സരങ്ങളുടെ ഏകദിന പരമ്പരയും വെസ്റ്റ് ഇൻഡീസ് ശ്രീലങ്കയിൽ കളിക്കും.
ട്വന്റി പരമ്പരയ്ക്കുള്ള വെസ്റ്റ് ഇൻഡീസ് ടീം: റോവ്മാൻ പവൽ (ക്യാപ്റ്റൻ), റോസ്റ്റൺ ചെയ്സ് (വൈസ് ക്യാപ്റ്റൻ), ഫാബിയൻ അലൻ, അലിക് അത്നാസെ, ആന്ദ്രെ ഫ്ലെത്ചർ, ടെറാൻസെ ഹിൻഡ്സ്, ഷായി ഹോപ്പ്, അൽസാരി ജോസഫ്, ഷമർ ജോസഫ്, ബ്രണ്ടൻ കിങ്, എവിൻ ലീവ്സ്, ഗുഡ്കേഷ് മോട്ടി, ഷെഫ്രെയ്ൻ റൂഥർഫോർഡ്, റൊമാരിയോ ഷെപ്പേർഡ്, ഷമർ സ്പ്രിങെർ.
ഏകദിന പരമ്പരയ്ക്കുള്ള വെസ്റ്റ് ഇൻഡീസ് ടീം: ഷായി ഹോപ്പ് (ക്യാപ്റ്റൻ), അൽസാരി ജോസഫ് (വൈസ് ക്യാപ്റ്റൻ), ജുവെൽ ആൻഡ്രൂ, അലിക് അത്നാസെ, കീസി കാർട്ടി, റോസ്റ്റൺ ചെയ്സ്, മാത്യൂ ഫോർഡെ, ഷമർ ജോസഫ്, ബ്രണ്ടൻ കിങ്, എവിൻ ലീവ്സ്, ഗുഡ്കേഷ് മോട്ടി, ഷെഫ്രെയ്ൻ റൂഥർഫോർഡ്, ജെയ്ഡൻ സീൽസ്, റൊമാരിയോ ഷെപ്പേർഡ്, ഹെയ്ഡൻ വാൽഷ് ജൂനിയർ.
Content Highlights: West Indies squad for Sri Lanka white-ball tour
