Get the latest news at
your fingertips!
Download our app now
LIVE TV
Search
രഞ്ജി ട്രോഫി ക്രിക്കറ്റ് ടൂർണമെന്റിൽ കേരളത്തിനെതിരെ പഞ്ചാബിന് ഒന്നാം ഇന്നിംഗ്സ് ലീഡ്. പഞ്ചാബിന്റെ ഒന്നാം ഇന്നിംഗ്സ് സ്കോറായ 194ന് മറുപടി പറഞ്ഞ കേരളം ആദ്യ ഇന്നിംഗ്സിൽ 179 റൺസിൽ ഓൾ ഔട്ടായി. രണ്ടാം ഇന്നിംഗ്സ് ബാറ്റിങ് ആരംഭിച്ച പഞ്ചാബ് മൂന്നാം ദിവസം മത്സരം നിർത്തുമ്പോൾ രണ്ടാം ഇന്നിംഗ്സിൽ മൂന്ന് വിക്കറ്റ് നഷ്ടത്തിൽ 23 റൺസെന്ന നിലയിലാണ്.
നേരത്തെ ഒമ്പതിന് 180 റൺസെന്ന നിലയിലാണ് പഞ്ചാബ് മൂന്നാം ദിവസം രാവിലെ ബാറ്റിങ് ആരംഭിച്ചത്. 14 റൺസ് കൂടി കൂട്ടിച്ചേർക്കുന്നതിനിടെ പഞ്ചാബിന് അവസാന വിക്കറ്റും നഷ്ടമായി. മറുപടി പറഞ്ഞ കേരള നിരയിൽ ആർക്കും വലിയ ഇന്നിംഗ്സുകൾ കളിക്കാൻ കഴിഞ്ഞില്ല. 38 റൺസെടുത്ത വിക്കറ്റ് കീപ്പർ ബാറ്റർ മുഹമ്മദ് അഹ്സറുദീനാണ് ടോപ് സ്കോറർ. വത്സൽ ഗോവിന്ദ് 28 റൺസെടുത്തു. പഞ്ചാബിനായി സ്പിന്നർ മായങ്ക് മാർക്കണ്ടെ ആറ് വിക്കറ്റ് വീഴ്ത്തി.
15 റൺസ് ലീഡുമായി രണ്ടാം ഇന്നിംഗ്സ് ബാറ്റിങ് ആരംഭിച്ച പഞ്ചാബിന് അഭയ് ചൗധരി, നമൻ ധിർ, നൈറ്റ് വാച്ച്മാൻ സിദാർത്ഥ് കൗൾ എന്നിവരുടെ വിക്കറ്റുകളാണ് നഷ്ടമായത്. ആദിത്യ സർവതെ രണ്ടും ബാബ അപരാജിത് ഒരു വിക്കറ്റും വീഴ്ത്തി. നിലവിൽ രണ്ടാം ഇന്നിംഗ്സിൽ പഞ്ചാബിന് 38 റൺസിന്റെ ലീഡായി.
Content Highlights: Punjab made a slight edge over kerala in Ranji
