Get the latest news at
your fingertips!
Download our app now
LIVE TV
Search
ഇന്ത്യയ്ക്കെതിരായ ടെസ്റ്റ് പരമ്പരയിൽ ന്യൂസിലാൻഡിന് വെല്ലുവിളിയാകുക രവീന്ദ്ര ജഡേജയും രവിചന്ദ്രൻ അശ്വിനുമായിരിക്കുമെന്ന് ന്യൂസിലാൻഡ് യുവതാരം രചിൻ രവീന്ദ്ര. വർഷങ്ങളായി മികച്ച പ്രകടനം നടത്തുന്ന ബൗളർമാർ ഇന്ത്യയ്ക്കുണ്ട്. രവീന്ദ്ര ജഡേജയും രവിചന്ദ്രൻ അശ്വിനും മികച്ച പ്രകടനവുമായി ഇന്ത്യൻ ടീമിൽ തുടരുന്നു. അവർക്ക് ബാറ്റുകൊണ്ടും മികച്ച സംഭാവനകൾ നൽകാൻ കഴിയും. രചിൻ രവീന്ദ്ര മാധ്യമങ്ങളോട് പ്രതികരിച്ചു.
ഇന്ത്യയിൽ മുമ്പ് കളിച്ചുള്ള അനുഭവ സമ്പത്ത് പരമ്പരയിൽ ഗുണം ചെയ്യുമെന്നും രചിൻ പ്രതീക്ഷ പ്രകടിപ്പിച്ചു. ടെസ്റ്റ് ക്രിക്കറ്റ് മറ്റൊരു ഫോർമാറ്റാണ്. ലോകത്തെവിടെയും കളിക്കാൻ ടെസ്റ്റ് ക്രിക്കറ്റ് ആത്മവിശ്വാസം നൽകുന്നു. താൻ ഒരുപാട് മുന്നോട്ട് പോകാൻ ആഗ്രഹിക്കുന്നതും ടെസ്റ്റ് ക്രിക്കറ്റിലാണെന്നും രചിൻ വ്യക്തമാക്കി.
ഒക്ടോബർ 16 മുതലാണ് ഇന്ത്യയും ന്യൂസിലാൻഡും തമ്മിലുള്ള മൂന്ന് ടെസ്റ്റുകളുടെ പരമ്പര ആരംഭിക്കുക. ബംഗ്ലാദേശിനെതിരായ പരമ്പര വിജയത്തിന്റെ ആത്മവിശ്വാസത്തിലാണ് ഇന്ത്യ. ലോക ടെസ്റ്റ് ചാംപ്യൻഷിപ്പിൽ ഒന്നാം സ്ഥാനം നിലനിർത്താൻ പരമ്പരയിൽ ഇന്ത്യയ്ക്ക് വിജയം അനിവാര്യമാണ്. എന്നാൽ ശ്രീലങ്കയിൽ പരമ്പര നഷ്ടപ്പെട്ടതിന്റെ നാണക്കേട് ഇന്ത്യയിൽ മറികടക്കുകയാണ് ന്യൂസിലാൻഡ് ലക്ഷ്യം.
Content Highlights: New Zealand Star Names Two Indians Who Pose Maximum Threat In Test Series
