Get the latest news at
your fingertips!
Download our app now
LIVE TV
Search
വെസ്റ്റ് ഇൻഡീസിനെതിരായ രണ്ടാം ട്വന്റി 20യിൽ തകർപ്പൻ ജയത്തോടെ തിരിച്ചുവന്ന് ശ്രീലങ്ക. രണ്ടാം ട്വന്റി 20യിൽ 73 റൺസിന്റെ വിജയമാണ് ശ്രീലങ്ക നേടിയത്. മത്സരത്തിൽ ആദ്യം ബാറ്റ് ചെയ്ത ശ്രീലങ്ക അഞ്ച് വിക്കറ്റ് നഷ്ടത്തിൽ 162 റൺസെടുത്തു. മറുപടി പറഞ്ഞ വെസ്റ്റ് ഇൻഡീസ് 16.1 ഓവറിൽ 89 റൺസിൽ എല്ലാവരും പുറത്തായി.
മുൻ നിര ഭേദപ്പെട്ട നിലയിൽ സ്കോർ ചെയ്തതാണ് ശ്രീലങ്കൻ ഇന്നിംഗ്സിന് കരുത്തായത്. ഓപണർ പതും നിസങ്ക 54 റൺസെടുത്തു. കുശൽ മെൻഡിസ് 26, കുശൽ പെരേര 24, കാമിൻഡു മെൻഡിസ് 19 എന്നിങ്ങനെ സ്കോർ ചെയ്തു. ആർക്കും സ്കോറിങ്ങിന് വേഗതയില്ലാതിരുന്നത് ലങ്കയെ വലിയ സ്കോറിലേക്ക് എത്തിച്ചില്ല. വെസ്റ്റ് ഇൻഡീസിനായി റൊമാരിയോ ഷെപ്പോർഡ് രണ്ട് വിക്കറ്റെടുത്തു.
മറുപടി ബാറ്റിങ്ങിൽ വിൻഡീസിനായി ക്യാപ്റ്റൻ റോവ്മാൻ പവലിന്റെ 20 റൺസാണ് ടോപ് സ്കോർ. അൽസാരി ജോസഫ് 16 റൺസും ഷെഫ്രെയൻ റൂഥർഫോർഡ് 14 റൺസുമെടുത്തു. മറ്റാർക്കും വിൻഡീസ് നിരയിൽ രണ്ടക്കം കടക്കാനായില്ല. ശ്രീലങ്കൻ നിരയിൽ ദുനിത് വെല്ലാലഗെ മൂന്ന് വിക്കറ്റുകൾ വീഴ്ത്തി. മൂന്ന് മത്സരങ്ങളുടെ പരമ്പരയിൽ ശ്രീലങ്കയും വെസ്റ്റ് ഇൻഡീസും ഓരോ വിജയങ്ങൾ വീതം നേടി.
Content Highlights: Sri Lanka vanquish West Indies and leveled the series
