Get the latest news at
your fingertips!
Download our app now
LIVE TV
Search
ലോകക്രിക്കറ്റിലെ നിലവിലുള്ളവരിൽ ഏറ്റവും മികച്ച ബോളറാണ് ഇന്ത്യയുടെ ജസ്പ്രീത് ബുംമ്ര. കഴിഞ്ഞ ടി20 ലോകകപ്പിലടക്കം നമ്മൾ കണ്ടതാണ് ബുംമ്രയുടെ പ്രതിഭാവിലാസം. റാങ്കിങ്ങിലും എല്ലാ ഫോർമാറ്റിലും ആദ്യസ്ഥാനങ്ങളിൽ ബുംമ്രയുടെ സാന്നിധ്യമുണ്ട്. എന്നാൽ ഇപ്പോൾ ബുംമ്രയേക്കാൾ കേമൻ തങ്ങളുടെ പേസറായ നസീം ഷായാണെന്ന് പറ‍ഞ്ഞ് രംഗത്തെത്തിയിരിക്കുകയാണ് പാക് യുവപേസറായ ഇഹ്സാനുള്ള. പാക്കിസ്ഥാനായി ഇതിനകം ഒരു ഏകദിനവും 4 ടി20 മത്സരവും ഇഹ്സാനുള്ള കളിച്ചിട്ടുണ്ട്.
ബുംമ്ര ലോകടെസ്റ്റ് റാങ്കിങ്ങിൽ ഒന്നാം റാങ്കിൽ നിൽക്കുന്ന താരമാണ്. കഴിഞ്ഞ ടി20 ലോകകപ്പിലെ പ്ലേയർ ഓഫ് ദി ടൂർണമെന്റായിരുന്നു ബുംമ്ര. അതിനാൽ തന്നെ ഇഹ്സാനുള്ളയുടെ പരാമർശത്തിനെതിരെ ട്രോളുകളും നിറഞ്ഞിട്ടുണ്ട്. ഒരു യുട്യൂബ് ചാനലിനു നൽകിയ അഭിമുഖത്തിലായിരുന്നു ഇഹ്സാനുള്ളയുടെ പരാമർശം.
Naseem Shah is better than Bumrah: Ihsanullah (Pakistani cricketer) 😂😂 pic.twitter.com/lw91kJl9oK
— Varun Giri (@Varungiri0) October 19, 2024
നസീം ഷാ യാണ് ബുംമ്രയേക്കാൾ കേമൻ എന്ന് ഇഹ്സാനുള്ള പറയുമ്പോൾ ആംഗർ ചോദിക്കുന്നുണ്ട് ബുംമ്രയല്ലേ കേമൻ എന്ന്. അപ്പോൾ 2021 ലോകകപ്പിൽ നസീം ഷാ ആയിരുന്നു ബുംമ്രയേക്കാൾ നന്നായി പെർഫോം ചെയ്തത് എന്നായിരുന്നു ഇഹ്സാനുള്ളയുടെ മറുപടി. ചില സമയങ്ങളിൽ ചില കളിക്കാർക്ക് മോശം സമയമുണ്ടാകാറുണ്ട്. എങ്കിലും നസീം തന്നെയാണ് ബെറ്റർ. ഇഹ്സാനുള്ള കൂട്ടിച്ചേർത്തത് ഇങ്ങനെ.
കഴിഞ്ഞാഴ്ചയാണ് മോശം ഫോമിന്റെ പേരിൽ നസീം ഷാ പാക്കിസ്ഥാന്റെ ടെസ്റ്റ് സ്ക്വാഡിൽ നിന്ന് ഒഴിവാക്കപ്പെട്ടത്. ഏതായാലും ഇരുവരുടെയും കരിയർ ചൂണ്ടിക്കാട്ടി ഇതിനകം തന്നെ ഇന്ത്യൻ ആരാധകർ ഇഹ്സാനുള്ളയ്ക്ക് സോഷ്യൽ മീഡിയയിലൂടെ മറുപടി നൽകിത്തുടങ്ങിയിട്ടുണ്ട്.
Content Highlights: Pak pacer says Naseem Shah is better than Bumrah
