Get the latest news at
your fingertips!
Download our app now
LIVE TV
Search
ഇന്ത്യൻ പ്രീമിയർ ലീഗിൽ റോയൽ ചലഞ്ചേഴ്സ് നായകനായി വിരാട് കോഹ്‍ലി വീണ്ടും എത്തിയേക്കുമെന്ന് റിപ്പോർട്ടുകൾ. റോയൽ ചലഞ്ചേഴ്സ് നായകനായി തന്നെ നിയോഗിക്കണമെന്ന് വിരാട് കോഹ്‍ലി ആവശ്യപ്പെട്ടതായാണ് സൂചന. നിലവിലെ റോയൽ ചലഞ്ചേഴ്സ് ക്യാപ്റ്റൻ ഫാഫ് ഡു പ്ലെസിസിനെ മെഗാലേലത്തിൽ വെയ്ക്കാനാണ് ടീം മാനേജ്മെന്റിന്റെ തീരുമാനമെന്നും സൂചനകളുണ്ട്.
ഇന്ത്യൻ പ്രീമിയർ ലീഗിൽ 2013 മുതൽ 2021 വരെ വിരാട് കോഹ്‍ലിയായിരുന്നു റോയൽ ചലഞ്ചേഴ്സ് നായകൻ. 2016ൽ കോഹ്‍ലിയുടെ നായക മികവിൽ റോയൽ ചലഞ്ചേഴ്സ് ഐപിഎല്ലിന്റെ ഫൈനൽ കളിച്ചിരുന്നു. എന്നാൽ കോഹ്‍ലി അപ്രതീക്ഷിതമായി നായകസ്ഥാനം രാജിവെച്ചതോടെ ഫാഫ് ഡു പ്ലെസിസിനെ റോയൽ ചലഞ്ചേഴ്സ് നായകനായി പ്രഖ്യാപിക്കുകയായിരുന്നു.
ഐപിഎൽ മെഗാലേലത്തിന് മുമ്പായി റോയൽ ചലഞ്ചേഴ്സ് ഏതൊക്കെ താരങ്ങളെ നിലനിർത്തുമെന്ന് ഇനിയും വ്യക്തമായിട്ടില്ല. വിരാട് കോഹ്‍ലിയെ റോയൽ ചലഞ്ചേഴ്സ് നിലനിർത്തുമെന്ന് ഉറപ്പാണ്. മുഹമ്മദ് സിറാജ്, വിൽ ജാക്സ്, രജത് പാട്ടിദാർ എന്നീ താരങ്ങളുടെ പേരും നിലനിർത്തുന്നവരുടെ ലിസ്റ്റിൽ കേൾക്കുന്നുണ്ട്.
Content Highlights: Virat Kohli set to replace Faf Du Plesis as Royal Challengers Bengaluru Captain? Report emerges
