Get the latest news at
your fingertips!
Download our app now
LIVE TV
Search
ന്യൂസിലാന്‍ഡിനെതിരായ ടെസ്റ്റ് പരമ്പരയിലെ മൂന്നാമത്തേതും അവസാനത്തേതുമായ ടെസ്റ്റില്‍ ഇന്ത്യയുടെ സ്റ്റാര്‍ പേസര്‍ ജസ്പ്രീത് ബുംറ പങ്കെടുക്കില്ലെന്ന് റിപ്പോര്‍ട്ട്. ഓസ്‌ട്രേലിയയില്‍ ബോര്‍ഡര്‍ ഗാവസ്‌കര്‍ ട്രോഫി പരമ്പരയ്ക്ക് തയ്യാറെടുക്കുന്നതിനായി ബുംറയ്ക്ക് വിശ്രമം നല്‍കാന്‍ മാനേജ്‌മെന്റ് തീരുമാനിച്ചെന്നാണ് പുറത്തുവരുന്ന വാർത്തകള്‍. നവംബര്‍ ഒന്നിന് മുംബൈയിലെ വാങ്കഡെ സ്റ്റേഡിയത്തിലാണ് മൂന്നാം ടെസ്റ്റ് ആരംഭിക്കുന്നത്.
Jasprit Bumrah likely to be rested for the 3rd Test Vs New Zealand due to workload management. (Express Sports). pic.twitter.com/xjxSfvab53
— Mufaddal Vohra (@mufaddal_vohra) October 31, 2024
ന്യൂസിലാന്‍ഡിനെതിരായ ടെസ്റ്റ് പരമ്പരയില്‍ ഇന്ത്യന്‍ ടീമിന്റെ വൈസ് ക്യാപ്റ്റനാണ് ബുംറ. നവംബര്‍ പത്തിന് ആരംഭിക്കുന്ന ബോര്‍ഡര്‍ ഗാവസ്‌കര്‍ ടെസ്റ്റ് പരമ്പരയില്‍ ബുംറയുടെ നിര്‍ണായക സാന്നിധ്യം പരിഗണിച്ചാണ് 31കാരനായ താരത്തിന് വിശ്രമം അനുവദിച്ചത്. ഇന്ത്യന്‍ ക്യാംപ് വിട്ട് ബുംറ നാട്ടിലേക്കി മടങ്ങിയതായാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
അതേസമയം ന്യൂസിലാൻഡിനെതിരായ ടെസ്റ്റ് പരമ്പരയിൽ സമ്പൂർണ്ണ തോൽവി ഒഴിവാക്കാനുള്ള തീവ്രശ്രമത്തിലാണ് ടീം ഇന്ത്യ. ഇന്ത്യയ്ക്കെതിരായ ടെസ്റ്റ് പരമ്പരയിലെ ആദ്യ രണ്ട് മത്സരങ്ങളും വിജയിച്ച ന്യൂസിലാൻഡ് പരമ്പര സ്വന്തമാക്കിയിരുന്നു. 2012-2013ൽ അലിസ്റ്റർ കുക്കിന്റെ ഇംഗ്ലണ്ട് ടീമിന് ശേഷം ഇതാദ്യമായാണ് ഒരു വിദേശ ടീം ഇന്ത്യയിൽ ടെസ്റ്റ് പരമ്പര വിജയിക്കുന്നത്. മൂന്നാം ടെസ്റ്റ് വിജയിച്ച് ആശ്വാസ വിജയം നേടാനാണ് ഇന്ത്യയുടെ ശ്രമം. ടെസ്റ്റ് ചാംപ്യൻഷിപ്പിൽ ഒന്നാം സ്ഥാനം നിലനിർത്താൻ ഇന്ത്യയ്ക്ക് അവസാന ടെസ്റ്റിലെ വിജയം നിർണായകമാണ്.
Content Highlights: IND vs NZ: Jasprit Bumrah to be rested for 3rd New Zealand Test, Report
