Get the latest news at
your fingertips!
Download our app now
LIVE TV
Search
മുംബൈയില്‍ ഇന്ത്യ-ന്യൂസിലാന്‍ഡ് മൂന്നാം ടെസ്റ്റ് മത്സരം പുരോഗമിക്കുകയാണ്. വാങ്കഡെയില്‍ ടോസ് നേടി ബാറ്റിങ്ങിനിറങ്ങിയ ന്യൂസിലാന്‍ഡ് 235 റണ്‍സിന് ഓള്‍ഔട്ടായിരുന്നു. ഇന്ത്യയുടെ ഫീല്‍ഡിങ്ങിനിടെ സൂപ്പര്‍ താരം വിരാട് കോഹ്‌ലിയുടെ ഒരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാവുന്നത്.
ഗ്യാലറിയിലിരുന്ന് പാടുന്ന ആരാധകര്‍ക്കൊപ്പം കോഹ്‌ലി ചുവടുവെക്കുന്നതാണ് വീഡിയോ. ഇന്ത്യയുടെ ഫീല്‍ഡിങ്ങിനിടെ ആവേശഭരിതരായ ആരാധകരില്‍ ചിലര്‍ ബോളിവുഡിലെ പ്രശസ്തമായ അനിൽ കപൂർ- മാധുരി ദീക്ഷിത് ചിത്രമായ രാം ലഖനിലെ 'മൈ നെയിം ഈസ് ലഖന്‍' എന്ന ഗാനം ആലപിച്ചിരുന്നു. ഇതുകേട്ടതും മറ്റുതാരങ്ങള്‍ക്കൊപ്പം സ്ലിപ്പില്‍ ഫീല്‍ഡ് ചെയ്യുകയായിരുന്ന കോഹ്‌ലി ആരാധകരുടെ പാട്ടിനൊപ്പം ചുവടുവെച്ചു. ആരാധകര്‍ തന്നെ പങ്കുവെച്ച വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്. ഇതിനു മുമ്പും വിരാട് ഇതേ സോംഗിനിടെ ചുവട് വെച്ച വീഡിയോ കഴിഞ്ഞ വർഷങ്ങളിൽ വൈറലായിരുന്നു. കോഹ്‌ലി തങ്ങളുടെ പാട്ടിനൊപ്പം ചുവടുവെക്കുന്നതുകണ്ട് ആവേശഭരിതരായ ആരാധകർ ആർപ്പുവിളിക്കുന്നതും വീഡിയോയില്‍ കാണാം.
We did it again! Making Virat Kohli groove to My Name is Lakhan! Wait for it 😂🔥 #INDvNZ pic.twitter.com/lC2cGyTZWa
— Shrutika Gaekwad (@Shrustappen33) November 1, 2024
അതേസമയം ന്യൂസിലാന്‍ഡിനെതിരായ ടെസ്റ്റ് പരമ്പരയില്‍ സമ്പൂര്‍ണ്ണ തോല്‍വി ഒഴിവാക്കുന്നതിനായാണ് രോഹിത് ശര്‍മയും സംഘവും മുംബൈയില്‍ ഇറങ്ങിയത്. ഇന്ത്യയ്‌ക്കെതിരായ ടെസ്റ്റ് പരമ്പരയിലെ ആദ്യ രണ്ട് മത്സരങ്ങളും വിജയിച്ച ന്യൂസിലാന്‍ഡ് പരമ്പര സ്വന്തമാക്കിയിരുന്നു. 2012-2013 ല്‍ അലിസ്റ്റര്‍ കുക്കിന്റെ ഇംഗ്ലണ്ട് ടീമിന് ശേഷം ഇതാദ്യമായാണ് ഒരു വിദേശ ടീം ഇന്ത്യയില്‍ ടെസ്റ്റ് പരമ്പര വിജയിക്കുന്നത്. മൂന്നാം ടെസ്റ്റ് വിജയിച്ച് ആശ്വാസ വിജയം നേടാനാണ് ഇന്ത്യയുടെ ശ്രമം. ടെസ്റ്റ് ചാംപ്യന്‍ഷിപ്പില്‍ ഒന്നാം സ്ഥാനം നിലനിര്‍ത്താന്‍ ഇന്ത്യയ്ക്ക് അവസാന ടെസ്റ്റിലെ വിജയം നിര്‍ണായകമാണ്.
Content Highlights: Virat Kohli dances to 'My Name is Lakhan' during 3rd Test vs New Zealand, Video
