LIVE TV
ന്യൂസിലാൻഡിനെതിരായ ഒന്നാം ട്വന്റി 20 ക്രിക്കറ്റിൽ ശ്രീലങ്കയ്ക്ക് നാല് വിക്കറ്റ് വിജയം. മത്സരത്തിൽ ആദ്യം ബാറ്റ് ചെയ്ത ന്യൂസിലാൻഡ് 19.3 ഓവറിൽ 135 റൺ‌സിൽ എല്ലാവരും പുറത്തായി. മറുപടി ബാറ്റിങ്ങിൽ ശ്രീലങ്ക 19 ഓവറിൽ ആറ് വിക്കറ്റ് നഷ്ടത്തിൽ ലക്ഷ്യത്തിലെത്തി. രണ്ട് മത്സരങ്ങളുടെ ട്വന്റി 20 പരമ്പരയിൽ ശ്രീലങ്ക 1-0ത്തിന് മുന്നിലെത്തി.
നേരത്തെ ടോസ് നേടിയ ന്യൂസിലാൻഡ് ബാറ്റിങ് തിരഞ്ഞെടുക്കുകയായിരുന്നു. മൈക്കൽ ബ്രേസ്‍വെൽ 27, സക്കറി ഫൗൾക്സ് പുറത്താകാതെ 27 എന്നിവർ മാത്രമാണ് കിവീസ് നിരയിൽ ഭേദപ്പെട്ട പ്രകടനം പുറത്തെടുത്തത്. വിൽ യങ് 19 റൺസും ക്യാപ്റ്റൻ മിച്ചൽ സാന്റനർ 16 റൺസുമെടുത്തു. ശ്രീലങ്കയ്ക്കായി ദുനിത് വെല്ലാലഗെ മൂന്ന് വിക്കറ്റ് വീഴ്ത്തി.
മറുപടി ബാറ്റിങ്ങിൽ ശ്രീലങ്കയ്ക്ക് കൃത്യമായ ഇടവേളകളിൽ വിക്കറ്റ് നഷ്ടമായി. എങ്കിലും മുൻനിര താരങ്ങൾ ഭേദപ്പെട്ട നിലയിൽ സ്കോർ ചെയ്തത് ശ്രീലങ്കയ്ക്ക് ഗുണം ചെയ്തു. പതും നിസങ്ക 19, കുശൽ പെരേര 23, കാമിൻഡു മെൻഡിസ് 23, ചരിത് അസലങ്ക പുറത്താകാതെ 35, വാനിന്ദു ഹസരങ്ക 22 എന്നിങ്ങനെ സ്കോർ ചെയ്തു. ന്യൂസിലാൻഡിനായി സക്കറി ഫൗൾക്സ് മൂന്ന് വിക്കറ്റെടുത്ത് ബൗളിങ്ങിലും തിളങ്ങി.
Content Highlights: Sri Lanka wins by six wickets with one over left
