Get the latest news at
your fingertips!
Download our app now
LIVE TV
Search
മലയാളി വിക്കറ്റ് കീപ്പര്‍ ബാറ്റര്‍ സഞ്ജു സാംസണിന്റെ ജന്മദിനം ആഘോഷമാക്കി ടീം ഇന്ത്യ. നവംബര്‍ 11ന് തന്റെ 30-ാം ജന്മദിനമാണ് സഞ്ജു ആഘോഷിച്ചത്. ദക്ഷിണാഫ്രിക്കയ്‌ക്കെതിരായ മൂന്നാം ടി20യില്‍ പങ്കെടുക്കാന്‍ സെഞ്ചൂറിയനിലെത്തിയതിന് ശേഷമാണ് ടീമംഗങ്ങളും സ്റ്റാഫുകളും താരത്തിന്റെ പിറന്നാള്‍ ആഘോഷിച്ചത്.
നവംബര്‍ 13ന് സെഞ്ചൂറിയനിലെ സൂപ്പര്‍ സ്‌പോര്‍ട് പാര്‍ക്ക് ക്രിക്കറ്റ് സ്റ്റേഡിയത്തിലാണ് ദക്ഷിണാഫ്രിക്കയ്‌ക്കെതിരായ മൂന്നാം ടി20. രണ്ടാം ടി20 നടന്ന ഗ്‌കെബെര്‍ഹയില്‍ നിന്ന് തിരിക്കുന്നതിന് മുന്‍പേ ഇന്ത്യന്‍ ക്രിക്കറ്റ് താരങ്ങളുടെ പ്രിയപ്പെട്ട 'ചേട്ടന്റെ' ജന്മദിനാഘോഷം ആരംഭിച്ചിരുന്നു. സഹതാരങ്ങള്‍ക്കൊപ്പം നൃത്തം ചെയ്തും മറ്റും പിറന്നാള്‍ ആഘോഷിക്കുന്നതിന്റെ വീഡിയോ സഞ്ജു തന്റെ ഇന്‍സ്റ്റഗ്രാമിലൂടെ പങ്കുവച്ചിരുന്നു.
സെഞ്ചൂറിയനിലെ ഹോട്ടലിലെത്തിയതിന് ശേഷം കോച്ച് വിവിഎസ് ലക്ഷ്മണും താരങ്ങളും ഉള്‍പ്പടെയുള്ളവര്‍ കേക്ക് മുറിച്ചും സഞ്ജുവിന്റെ ജന്മദിനം ആഘോഷിച്ചു. സഞ്ജുവിനൊപ്പം ഭാര്യ ചാരുലത രമേശും ആഘോഷങ്ങളില്‍ പങ്കെടുത്തു. ഇതിന്റെ വീഡിയോ ബിസിസിഐയും സോഷ്യല്‍ മീഡിയയില്‍ പങ്കുവെച്ചു.
Gqeberha ✈️ Centurion
— BCCI (@BCCI) November 12, 2024
A journey ft. smiles and birthday celebrations 😃🎂#TeamIndia | #SAvIND pic.twitter.com/KnP1Bb1iA1
ബുധനാഴ്ച നടക്കുന്ന മൂന്നാം ടി20യില്‍ വിജയം ലക്ഷ്യമിട്ടാണ് ദക്ഷിണാഫ്രിക്കയ്‌ക്കെതിരെ ഇന്ത്യ സെഞ്ചൂറിയനില്‍ ഇറങ്ങുന്നത്. ആദ്യ ടി20യില്‍ സഞ്ജു സാംസണിന്റെ വെടിക്കെട്ട് സെഞ്ച്വറിയുടെ കരുത്തില്‍ ഇന്ത്യ 61 റണ്‍സിന് വിജയിച്ചിരുന്നു. എന്നാല്‍ രണ്ടാം ടി20യില്‍ മൂന്ന് വിക്കറ്റിന് ദക്ഷിണാഫ്രിക്ക ഇന്ത്യയെ കീഴടക്കിയിരുന്നു. തന്റെ പിറന്നാളിന്റെ തലേദിവസം നടന്ന മത്സരത്തില്‍ സഞ്ജു ഡക്കായി മടങ്ങിയത് ആരാധകർക്ക് നിരാശ സമ്മാനിച്ചിരുന്നു.
Content Highlights: Team India Celebrating Sanju Samson's 30th Birthday, Video
