Get the latest news at
your fingertips!
Download our app now
LIVE TV
Search
ഇംഗ്ലണ്ടിനെതിരായ ടി20 പരമ്പരയില്‍ വെസ്റ്റ് ഇന്‍ഡീസിന് കനത്ത തിരിച്ചടി. വിന്‍ഡീസ് സ്റ്റാര്‍ ഓള്‍റൗണ്ടര്‍ ആന്ദ്രേ റസ്സലിന് പരമ്പരയില്‍ ശേഷിക്കുന്ന മത്സരങ്ങള്‍ നഷ്ടമാകും. അഞ്ച് മത്സരങ്ങളടങ്ങിയ ടി20 പരമ്പരയില്‍ ഇനി മൂന്ന് മത്സരങ്ങളാണ് ബാക്കിയുള്ളത്.
CWI Announces Squad Changes for Crucial Final Leg of T20I Series Against England🏏 🌴
— Windies Cricket (@windiescricket) November 12, 2024
Read More 🔽 https://t.co/asa6JI2Hpw
ടി20 പരമ്പരയിലെ മൂന്ന് മത്സരങ്ങള്‍ക്ക് വേണ്ടി പ്രഖ്യാപിച്ച വെസ്റ്റ് ഇന്‍ഡീസ് ടീമില്‍ നിന്നാണ് റസ്സല്‍ പുറത്തായത്. കാലിനേറ്റ പരിക്കാണ് താരത്തിന് തിരിച്ചടിയായത്. ഇംഗ്ലണ്ടിനെതിരായ ഒന്നാം ടി20 മത്സരത്തിനിടെ ഇടത് കണങ്കാല്‍ ഉളുക്കിയതിനെ തുടര്‍ന്ന് റസ്സലിന് പരമ്പരയിലെ രണ്ടാം മത്സരം നഷ്ടമായിരുന്നു.
പരമ്പരയില്‍ 2-0ത്തിന് പിന്നില്‍ നില്‍ക്കുന്ന വിന്‍ഡീസിന് ഇനിയുള്ള മൂന്ന് മത്സരങ്ങള്‍ നിർണായകമാണ്. ഈ സാഹചര്യത്തില്‍ റസ്സലിന്റെ അഭാവം ടീമിന് കനത്ത തിരിച്ചടിയായിരിക്കുമെന്ന് ഉറപ്പാണ്. സ്റ്റാര്‍ ഓള്‍റൗണ്ടര്‍ക്ക് പകരം ഷമര്‍ സ്പ്രിങ്ങറെ വെസ്റ്റ് ഇന്‍ഡീസ് ടീമിലെത്തിച്ചു. അടുത്തിടെ നടന്ന ശ്രീലങ്കന്‍ പര്യടനത്തില്‍ സ്പ്രിങ്ങര്‍ വിന്‍ഡീസിന് വേണ്ടി അരങ്ങേറ്റം കുറിച്ചിരുന്നു.
വിന്‍ഡീസ് പേസര്‍ അല്‍സാരി ജോസഫ് ടീമിലേക്ക് തിരിച്ചെത്തുന്നുവെന്നതാണ് രണ്ടാമത്തെ മാറ്റം. ക്യാപ്റ്റന്‍ ഷായ് ഹോപ്പിനോട് മത്സരത്തിനിടെയുണ്ടായ വാക്കേറ്റത്തെ തുടര്‍ന്ന് കളംവിട്ടതിനെ തുടര്‍ന്ന് താരം സസ്‌പെന്‍ഷനിലായിരുന്നു. ഷമര്‍ ജോസഫിന് പകരക്കാരനായാണ് അല്‍സാരി ടീമിലെത്തുന്നത്.
അവസാന 3 മത്സരങ്ങള്‍ക്കുള്ള വെസ്റ്റ് ഇന്‍ഡീസ് ടി20 സ്‌ക്വാഡ്:
റോവ്മന്‍ പവല്‍ (ക്യാപ്റ്റന്‍), റോസ്റ്റണ്‍ ചേസ്, മാത്യു ഫോര്‍ഡ്, ഷിംറോണ്‍ ഹെറ്റ്മെയര്‍, ടെറന്‍സ് ഹിന്‍ഡ്സ്, ഷായ് ഹോപ്പ്, അകേല്‍ ഹൊസൈന്‍, അല്‍സാരി ജോസഫ്, ബ്രാന്‍ഡന്‍ കിംഗ്, എവിന്‍ ലൂയിസ്, ഗുഡകേഷ് മോട്ടി, നിക്കോളാസ് പൂരന്‍, ഷെര്‍ഫാന്‍ റുഥര്‍ഫോര്‍ഡ്, റൊമാരിയോ ഷെഫേര്‍ഡ്, ഷമര്‍ സ്പ്രിങ്ങര്‍.
Content Highlights: WI vs ENG: Andre Russell ruled out of remaining 3 T20s, Alzarri Joseph returns
