Get the latest news at
your fingertips!
Download our app now
LIVE TV
Search
ദക്ഷിണാഫ്രിക്കയ്‌ക്കെതിരായ നാലാം ടി20യില്‍ തകര്‍പ്പന്‍ വിജയത്തോടെ പരമ്പര സ്വന്തമാക്കിയിരിക്കുകയാണ് സൂര്യകുമാര്‍ യാദവും സംഘവും. ജൊഹന്നാസ്ബര്‍ഗില്‍ നടന്ന നാലാം ടി20 മത്സരത്തില്‍ 135 റണ്‍സിനായിരുന്നു ഇന്ത്യയുടെ ജയം. ഇതിന് പിന്നാലെ ഇന്ത്യയുടെ സ്റ്റാര്‍ ഓള്‍റൗണ്ടര്‍ ഹാര്‍ദിക് പാണ്ഡ്യയുടെ രസകരമായ വീഡിയോയാണ് ഇപ്പോള്‍ വൈറലാവുന്നത്.
ജൊഹന്നാസ്ബര്‍ഗിലെ വാണ്ടറേഴ്‌സ് സ്‌റ്റേഡിയത്തില്‍ നടന്ന മത്സരത്തില്‍ ഇന്ത്യന്‍ ക്യാപ്റ്റന് സൂര്യകുമാര്‍ യാദവിനായിരുന്നു ടോസ് ലഭിച്ചത്. ദക്ഷിണാഫ്രിക്കന്‍ പരമ്പരയില്‍ ആദ്യമായാണ് ക്യാപ്റ്റന് സൂര്യ ടോസ് വിജയിക്കുന്നത്. തുടര്‍ച്ചയായ മൂന്ന് മത്സരങ്ങളിലും സൂര്യകുമാറിന് ടോസ് നഷ്ടമായിരുന്നു.
ഒടുവില്‍ നാലാം മത്സരത്തില്‍ ടോസ് വിജയിക്കാന്‍ ഇന്ത്യന്‍ ക്യാപ്റ്റന് സാധിച്ചു. ടോസിടുന്ന സമയത്ത് ഹാര്‍ദിക് പാണ്ഡ്യ ക്യാപ്റ്റന്മാരുടെ തൊട്ടുപിന്നില്‍ നില്‍ക്കുന്നുണ്ടായിരുന്നു. ടോസ് വീഴുന്നത് ഹാര്‍ദിക് എത്തിനോക്കുന്ന രസകരമായ വീഡിയോ ആണ് വെെറലായിരിക്കുന്നത്.
ടോസ് സൂര്യയ്ക്ക് ലഭിച്ചതുകണ്ട് ആവേശഭരിതനായി ഹാര്‍ദിക് തുള്ളിച്ചാടുന്നതും വീഡിയോയില്‍ കാണാം.
Final toss of the #SAvIND series 🪙 🤩
— JioCinema (@JioCinema) November 15, 2024
It’s #TeamIndia's call and they have chosen to bat first in the all-important decider! ⚔️
Catch the LIVE action now on #JioCinema, #Sports18, and #ColorsCineplex! 🎬#JioCinemaSports pic.twitter.com/PdJGoRxnOG
ടോസ് നേടി ബാറ്റിംഗ് തിരഞ്ഞെടുത്ത ഇന്ത്യന്‍ ക്യാപ്റ്റന് സൂര്യയുടെ തീരുമാനം അക്ഷരാര്‍ത്ഥത്തില്‍ ശരിയാണെന്ന് പിന്നീട് തെളിയുകയായിരുന്നു. തിലക് വര്‍മ (120), സഞ്ജു സാംസണ്‍ (109) എന്നിവരുടെ സെഞ്ച്വറിക്കരുത്തില്‍ 283 റണ്‍സാണ് ടീം അടിച്ചെടുത്തത്. ഇരുവരും പുറത്താവാതെ നിന്നു. മറുപടി ബാറ്റിംഗില്‍ ദക്ഷിണാഫ്രിക്ക 18.2 ഓവറില്‍ 148ന് എല്ലാവരും പുറത്തായി. മൂന്ന് വിക്കറ്റ് നേടിയ അര്‍ഷ്ദീപ് സിംഗ്, രണ്ട് വിക്കറ്റ് വീതം വീഴ്ത്തിയ വരുണ്‍ ചക്രവര്‍ത്തി, അക്സര്‍ പട്ടേല്‍ എന്നിവരാണ് ദക്ഷിണാഫ്രിക്കയെ തകര്‍ത്തത്. ഇതോടെ നാല് മത്സരങ്ങളുടെ പരമ്പര 3-1ന് ഇന്ത്യ സ്വന്തമാക്കി.
Content Highlights: Hardik Pandya's hilarious reaction to Suryakumar Yadav finally winning toss vs SA, Video
