Get the latest news at
your fingertips!
Download our app now
LIVE TV
Search
ദക്ഷിണാഫ്രിക്കയ്ക്കെതിരായ ടെസ്റ്റ് പരമ്പരയ്ക്കുളള ശ്രീലങ്കൻ ടീമിനെ പ്രഖ്യാപിച്ചു. ധനഞ്ജയ ഡി സിൽവ നായകനായ 17 അംഗ ടീമിനെയാണ് പ്രഖ്യാപിച്ചിരിക്കുന്നത്. നവംബർ 27 മുതലാണ് ശ്രീലങ്കയും ദക്ഷിണാഫ്രിക്കയും തമ്മിലുള്ള ഒന്നാം ടെസ്റ്റ് പരമ്പര ആരംഭിക്കുക. ഡിസംബർ അഞ്ച് മുതലാണ് രണ്ടാം ടെസ്റ്റ്. ദക്ഷിണാഫ്രിക്കയിലാണ് പരമ്പര നടക്കുന്നത്.
ലോക ടെസ്റ്റ് ചാംപ്യൻഷിപ്പ് ഫൈനൽ പ്രവേശനത്തിന് ഇരുടീമുകൾക്കും പരമ്പര നിർണായകമാണ്. ടെസ്റ്റ് ചാംപ്യൻഷിപ്പ് 2023-25 സീസണിൽ എട്ട് മത്സരങ്ങൾ കളിച്ച ദക്ഷിണാഫ്രിക്ക നാല് വിജയവും മൂന്ന് തോൽവിയും ഒരു സമനിലയും ഉൾപ്പെടെ അഞ്ചാം സ്ഥാനത്താണ്. ഒമ്പത് മത്സരങ്ങൾ കളിച്ച ശ്രീലങ്ക അഞ്ച് വിജയവും നാല് തോൽവിയും ഉൾപ്പെടെ മൂന്നാം സ്ഥാനത്തുമുണ്ട്.
ദക്ഷിണാഫ്രിക്കയ്ക്കെതിരായ ടെസ്റ്റ് പരമ്പരയ്ക്കുള്ള ശ്രീലങ്കൻ ടീം: ധനഞ്ജയ ഡി സിൽവ (ക്യാപ്റ്റൻ), പത്തും നിസങ്ക, ദിമുക്ത് കരുണരത്നെ, ദിനേശ് ചാന്ദിമാൽ, എയ്‍ഞ്ചലോ മാത്യൂസ്, കൗശൽ മെൻഡിസ്, കാമിൻഡു മെൻഡിസ്, ഒഷാഡ ഫെർണാണ്ടോ, സദീര സമരവിക്രമ, പ്രബത് ജയസൂര്യ, നിഷാൻ പെയ്രിസ്, ലസീത് എംബുൽഡെനിയ, മിലാൻ രത്നായകെ, അസിത ഫെർണാണ്ടോ, വിശ്വ ഫെർണാണ്ടോ, ലഹിരു കുമാര, കൗസുൻ രജിത.
Content Highlights: Sri Lankan squad named for Test series in South Africa
