LIVE TV
ഓസ്‌ട്രേലിയയ്‌ക്കെതിരെ അഞ്ച് ടെസ്റ്റുകളുടെ പരമ്പര കളിക്കാനൊരുങ്ങുകയാണ് ഇന്ത്യൻ ക്രിക്കറ്റ് ടീം. മത്സരങ്ങൾ ഓസീസ് മണ്ണിലാണെന്നതിനാൽ ഇന്ത്യൻ ടീമിന് വിജയത്തിനായി കഠിനപ്രയത്നം നടത്തേണ്ടി വരും. ഓസ്ട്രേലിയൻ മണ്ണിൽ ഇതുവരെ 52 ടെസ്റ്റുകളാണ് ഇന്ത്യൻ ടീം കളിച്ചിട്ടുള്ളത്. ഇതിൽ നേടാനായത് ഒമ്പത് വിജയങ്ങൾ മാത്രം. 13 മത്സരങ്ങൾ സമനിലയായപ്പോൾ 30 എണ്ണത്തിൽ ഓസ്ട്രേലിയയ്ക്കായിരുന്നു വിജയം.
ഓസ്ട്രേലിയൻ മണ്ണിൽ വീണ്ടുമൊരു ടെസ്റ്റ് പരമ്പരയ്ക്ക് ഇറങ്ങുന്ന ഇന്ത്യയ്ക്ക് ആത്മവിശ്വാസം നൽകുന്നത് കഴിഞ്ഞ രണ്ട് പരമ്പരകളാണ്. 2018/2019 സീസണിലും 2020/21 സീസണിലും ഓസ്ട്രേലിയയെ അവരുടെ മണ്ണിൽ തോൽപ്പിച്ച് ഇന്ത്യൻ ടീം ബോർഡർ-ഗാവസ്കർ ട്രോഫി വിജയിച്ചിരുന്നു. കഴിഞ്ഞ നാല് തവണയും ബോർഡർ-ഗാവസ്കർ ട്രോഫിയിലെ വിജയികൾ ഇന്ത്യയാണ്.
2025 ലോക ടെസ്റ്റ് ചാംപ്യൻഷിപ്പ് ഫൈനൽ പ്രവേശനത്തിന് ഓസ്ട്രേലിയക്കെതിരായ പരമ്പര ഇന്ത്യയ്ക്ക് നിർണായകമാണ്. പരമ്പര 4-0 ത്തിന് എങ്കിലും വിജയിച്ചാൽ മാത്രമേ ഇന്ത്യയ്ക്ക് മറ്റ് ടീമുകളുടെ മത്സരഫലത്തിന്‍റെ സഹായമില്ലാതെ ടെസ്റ്റ് ചാംപ്യൻഷിപ്പിൻ്റെ ഫൈനലിൽ എത്താൻ സാധിക്കൂ.
Content Highlights: AUS vs IND head-to-head record in Tests in Australia
