Get the latest news at
your fingertips!
Download our app now
LIVE TV
Search
ഇന്ത്യൻ ക്രിക്കറ്റിലെ മലയാളത്തിന്റെ അഭിമാന താരമായ സഞ്ജു സാംസണെ പ്രശംസിച്ച് ഇന്ത്യയുടെ വനിതാ ക്രിക്കറ്റ് താരവും മലയാളിയുമായ സജന സജീവൻ. താരത്തിന്റെ വിട്ടുകൊടുക്കാതെ മനോഭാവവും ലക്ഷ്യബോധവും തന്നെ അത്ഭുതപ്പെടുത്തിയെന്നും ദേശീയ വനിതാ ക്രിക്കറ്റ് ടീമിൽ ഇടം നേടാൻ ഒരേ നാട്ടുകാരെന്ന നിലയിൽ സഞ്ജു ഏറെ പ്രചോദനമായെന്നും സജന പറഞ്ഞു.
🚨INSIDESPORT EXCLUSIVE🚨
— InsideSport (@InsideSportIND) November 27, 2024
Cricketer S Sajana expresses the love and respect people of Kerala has for Sanju Samson ♥️
Watch 👇🏻 pic.twitter.com/KSt12e7nhu
'ഒരു ക്രിക്കറ്റ് താരമെന്ന നിലയിലും അല്ലാത്ത നിലയിലും സഞ്ജു സാംസണെ വർഷങ്ങൾക്ക് മുന്നേ കാണുന്നതാണ്. ഏറെ കഠിനാധ്വാനം ചെയ്തിട്ടും അദ്ദേഹത്തിന് അവസരങ്ങൾ ലഭിക്കാത്തതിൽ വലിയ വിഷമം തോന്നിയിരുന്നു. പണ്ട് അദ്ദേഹം നടത്തിയ കഠിനശ്രമങ്ങൾക്ക് ഇപ്പോൾ ഫലം കണ്ടതിൽ സന്തോഷമുണ്ടെന്നും' ഇൻസൈഡ് സ്‌പോർട്ടിന് നൽകിയ അഭിമുഖത്തിൽ സജന സജീവൻ പ്രതികരിച്ചു.
ബംഗ്ലാദേശിനെതിരെയും ദക്ഷിണാഫ്രിക്കയ്ക്കെതിരെയും ഈയിടെ ഇന്ത്യ നടത്തിയ ടി 20 പരമ്പരയിൽ സ്വപ്ന സമാന പ്രകടനമാണ് സഞ്ജു നടത്തിയിരുന്നത്. രണ്ട് ടൂർണമെന്റുകളിലും കൂടി മൂന്ന് സെഞ്ച്വറികളാണ് താരം നേടിയിരുന്നത്. ഈ തകർപ്പൻ പ്രകടനത്തിനൊപ്പം ടി 20 ചരിത്രത്തിലെ നിരവധി റെക്കോർഡുകളും താരം മറികടന്നിരുന്നു. ജനുവരിയിൽ ഇംഗ്ലണ്ടുമായുള്ള ടി 20 പരമ്പരയിൽ ഓപ്പണറായി വീണ്ടും അവസരം കിട്ടുമെന്ന പ്രതീക്ഷയിലാണ് താരമിപ്പോൾ.
ഇന്ത്യയ്ക്ക് വേണ്ടി ഈ വർഷം ടി 20 യിൽ അരങ്ങേറി 11 മത്സരങ്ങളിൽ കളിച്ച മലയാളി താരമാണ് സജന സജീവൻ.
Content Highlights: Malayali Indian Cricketer Sajana Sajeevan on sanju samson
