LIVE TV
പത്മശ്രീ പുരസ്‌കാരം ലഭിച്ചതില്‍ ഇന്ത്യന്‍ ക്രിക്കറ്റ് ക്യാപ്റ്റന്‍ രോഹിത് ശര്‍മയ്ക്ക് നന്ദി പറയണമെന്ന് ആവശ്യപ്പെട്ടയാള്‍ക്ക് മറുപടിയുമായി മുന്‍ താരം രവിചന്ദ്രന്‍ അശ്വിന്. പത്മശ്രീ ലഭിച്ച അശ്വിന് ആശംസ അറിയിച്ച് തമിഴ് നടന്‍ ധനുഷ് എക്‌സില്‍ പോസ്റ്റ് ചെയ്തിരുന്നു. ഇതിന് താഴെ നന്ദി അറിയിച്ചുകൊണ്ടുള്ള അശ്വിന്റെ കമന്റിന് താഴെയാണ് നേട്ടത്തിന് ക്യാപ്റ്റന്‍ രോഹിത് ശര്‍മ്മയ്ക്കാണ് നന്ദി പറയേണ്ടതെന്ന് ഒരാള്‍ അഭിപ്രായപ്പെട്ടത്.
My hearty congratulations to dear Ajith Sir on being conferred the prestigious Padma Bhushan award.
— Dhanush (@dhanushkraja) January 26, 2025
Also congratulating @ashwinravi99 on being the first Tamil Nadu cricketer to having being conferred a Padma Shri.
My congratulations to all other Padma awardees who have made…
'നിങ്ങള്‍ക്ക് ആരോടെങ്കിലും നന്ദി പറയണമെങ്കില്‍ രോഹിത് ശര്‍മയോട് പറയുക. അദ്ദേഹമാണ് നിങ്ങള്‍ക്ക് അവസരങ്ങള്‍ നല്‍കിയത്', എന്നായിരുന്നു ഒരു എക്‌സ് ഉപയോക്താവിന്റെ കമന്റ്. ഇതിന് താഴെ വായടപ്പിക്കുന്ന മറുപടിയുമായി അശ്വിനും എത്തി, 'ഡേയ്, പൈത്തിയം' (മണ്ടന്‍) എന്നാണ് അശ്വിന് മറുപടി നല്‍കിയത്.
Dey paithiyam
— Ashwin 🇮🇳 (@ashwinravi99) January 26, 2025
കഴിഞ്ഞ ദിവസമായിരുന്നു ഇന്ത്യയുടെ മാച്ച് വിന്നര്‍മാരില്‍ ഒരാളും സ്പിന്‍ ഇതിഹാസവുമായ ആര്‍ അശ്വിനെ പത്മശ്രീ പുരസ്‌കാരം നല്‍കി രാജ്യം ആദരിച്ചത്. പത്മ അവാര്‍ഡ് നേടുന്ന തമിഴ്നാട്ടില്‍ നിന്നുള്ള രണ്ടാമത്തെ ക്രിക്കറ്റ് താരമായി മാറാനും അശ്വിന് സാധിച്ചിരുന്നു. ഓസ്‌ട്രേലിയയ്‌ക്കെതിരായ ടെസ്റ്റ് പരമ്പരയ്ക്കിടയിലാണ് അശ്വിന് അന്താരാഷ്ട്ര ക്രിക്കറ്റില്‍ നിന്ന് വിരമിക്കല്‍ പ്രഖ്യാപിച്ചത്. 106 ടെസ്റ്റില്‍ നിന്ന് 537 വിക്കറ്റുകളാണ് അശ്വിന്റെ പേരിലുള്ളത്. ആറ് സെഞ്ചുറികളും 16 അര്‍ധ സെഞ്ച്വറികളും താരം നേടിയിട്ടുണ്ട്.
Content Highlights: R Ashwin's Viral Reply As Fan Credits Rohit Sharma For His Padma Shri Award
