Get the latest news at
your fingertips!
Download our app now
LIVE TV
Search
ഇംഗ്ലണ്ടിനെതിരായ നാലാം ടി20യില്‍ ഇന്ത്യയ്ക്ക് ഞെട്ടിക്കുന്ന തുടക്കം സമ്മാനിച്ചിരിക്കുകയാണ് സാക്കിബ് മഹ്‌മൂദ്. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യയ്ക്ക് മത്സരം മൂന്നാം ഓവറിലേയ്ക്ക് കടക്കുന്നതിന് മുന്‍പുതന്നെ മൂന്ന് മുന്‍നിര വിക്കറ്റുകളാണ് നഷ്ടമായത്. സഞ്ജു സാംസണ്‍ അടക്കമുള്ള ഇന്ത്യയുടെ മൂന്ന് മുന്‍നിര വിക്കറ്റുകളും വീഴ്ത്തിയത് സാക്കിബ് മഹ്‌മൂദാണ്. തുടക്കത്തിലേ പ്രധാന വിക്കറ്റുകള്‍ വീഴ്ത്തി ഇന്ത്യയെ സമ്മര്‍ദ്ദത്തിലാക്കാന്‍ സാക്കിബ് മഹ്‌മൂദിന് വേണ്ടിവന്നത് ഒറ്റ ഓവറാണ്.
WW000W!
— England Cricket (@englandcricket) January 31, 2025
Saqib Mahmood's first over of the tour - and he starts with a triple-wicket maiden! 🤯
The first time this has EVER happened in a men's T20 international 😲 https://t.co/VRb0Bx1N07 pic.twitter.com/NsoK91TUFx
What an over!! What a start!! 😮
— Cricbuzz (@cricbuzz) January 31, 2025
Saqib Mahmood's 1st over - W,W,0,0,0,W
India are 12/3 in Pune #INDvsENG pic.twitter.com/LIfsedgq10
ജോഫ്ര ആര്‍ച്ചര്‍ എറിഞ്ഞ ഇന്നിങ്‌സിലെ ആദ്യ ഓവറില്‍ 12 റണ്‍സ് ഇന്ത്യ നേടി. ഓവറില്‍ ഒരു സിക്‌സും ബൗണ്ടറിയും പറത്തി അഭിഷേക് ശര്‍മയാണ് ഇന്ത്യയ്ക്ക് മികച്ച തുടക്കം നല്‍കിയത്. നാലാം ടി20യില്‍ മാര്‍ക്ക് വുഡിന് പകരക്കാരനായി ഇംഗ്ലീഷ് ഇലവനിലെത്തിയ പേസര്‍ സാക്കിബ് മഹ്‌മൂദിനെയാണ് രണ്ടാം ഓവര്‍ എറിയാന്‍ ക്യാപ്റ്റന്‍ ജോസ് ബട്ട്‌ലര്‍ പന്തേല്‍പ്പിച്ചത്.
താന്‍ എറിഞ്ഞ ആദ്യ ഓവറിലെ ആദ്യ പന്തില്‍ സഞ്ജു സാംസണെ മടക്കിയാണ് മഹ്‌മൂദ് വരവറിയിച്ചത്. കഴിഞ്ഞ മത്സരങ്ങളിലെല്ലാം ഷോര്‍ട്ട് ബോളില്‍ വിക്കറ്റ് സമ്മാനിച്ച സഞ്ജു ഇത്തവണയും പതിവ് തെറ്റിച്ചില്ല. മൂന്ന് പന്തില്‍ നിന്ന് ഒരു റണ്‍സ് മാത്രമെടുത്ത സഞ്ജുവിനെ സാക്കിബ് മഹ്‌മൂദ് ബ്രൈഡണ്‍ കാര്‍സെയുടെ കൈകളിലെത്തിക്കുകയായിരുന്നു. തൊട്ടടുത്ത പന്തില്‍ തിലക് വര്‍മയെ ഡക്കാക്കി സാക്കിബ് ഇന്ത്യയ്ക്ക് ഇരട്ടപ്രഹരമേല്‍പ്പിച്ചു.
Sanju Samson
— Khalid Pahor (@Sports_vds) January 31, 2025
Tilak Varma
Suryakumar Yadav
A triple wicket maiden for Saqib Mahmood 👏
Great bowling by Saqib Mehmood.🔥#INDvsENG pic.twitter.com/Fil8PXtYMt
നാലാം നമ്പറില്‍ ക്രീസിലെത്തിയ ക്യാപ്റ്റന്‍ സൂര്യകുമാര്‍ യാദവ് സാക്കിബിന് ഹാട്രിക് നിഷേധിച്ചു. പിന്നാലെയെറിഞ്ഞ രണ്ട് പന്തുകളും ഡിഫന്‍ഡ് ചെയ്തു. എന്നാല്‍ ഓവറിലെ അവസാന പന്തില്‍ ഇന്ത്യന്‍ ക്യാപ്റ്റനും സാക്കിബിന്റെ മുന്നില്‍ മുട്ടുമടക്കേണ്ടി വന്നു. നാല് പന്തുകള്‍ നേരിട്ട് ഒറ്റ റണ്‍പോലുമെടുക്കാനാവാതെ ബ്രൈഡണ്‍ കാര്‍സെയ്ക്ക് ക്യാച്ച് നല്‍കി സൂര്യമടങ്ങി. ഇതോടെ മെയ്ഡന്‍ ഓവറില്‍ ഒറ്റ റണ്‍ പോലും വഴങ്ങാതെ മൂന്ന് വിക്കറ്റുകള്‍ സാക്കിബ് സ്വന്തമാക്കി.
Content Highlights: Saqib Mahmood with triple-wicket maiden; Sanju Samson, Tilak Varma, Suryakumar Yadav out in one over
